Ndinondi muhuko' munene ozondangere zOvambanderu okuza ko Kahandja ma zee kuri kwamba ko tji kumutundu tjo muhoko mOtjomuise oku yenda kEtjo rOzombangaøe oku katwapo oruzenga po mbindi yo Muhatamunua.

O Muhatamunua iumwe wo zo mbangaøe za Namibia zo tjirwa tjo mbiririro yo huurire yOvandoitji nganduu ko tjirwa tjo ngutukiro ya Namibia mba pewa ondjozikiro yapeke no mbindi ku kuno' mana wawo pEtjo rOzombangaøe mOtjomuise. O Sondaha ozondangere za kararere ke Zorongondo, Omandaha mu za sekamene aze yata po Tjunda  naze karara po Mukuruvaro pu za zire Oritjatatu aze ka rarera  mo Kahandja aze ya kisa omuriro wo ku rikunda ko zo mbepo zo va kuru no vaÞi.

Oritjaine ondjuwo yetando ro Mbara omuyaruke Kilus Munjuku III Nguvauva otji ya paturukire mOkahandja. Oku yandjera otjiwaøa oku mupa ondjozikiro ndje mu pwire tjinga omayuva ngaisanenwe ombura ndjazuko, etenga ku Suramazeva, ayari omazeu wo Covida.  Munao otjikutu, otjiwaøa atjihe no vazapamwe no va tjiwasane ave otji ve hakarere no ruveze ro ku murira no ku mu virikiza otja ko ru tjato rwao no ro mbazu, na wina oku mu virikiza. Munao okuza kerero nganduu ku muhuka mapeta, otji pene tando no zo mbinika. Oroviungura mapeta etando tji ma ri yanda otjiwaøa atji rundurukire ko ku yambera. Tjingetjo Osondaha ma veisako onguyu ko ngungu  yo mbara  Munjuku III. Omayambero no ma isakero wo nguyu mavitwa otjikamo konyungu yo vi tjitwa omuhoko mbu tjari navyo otjiveke ihi okuza ko Sondaha ndjazuko ozondangere tji za kararere mEzorongondo.  

Wina po ma yambero Osondaha otjiwaøa ma tji yakura ovayenda okuza kehi rOvandoitji ko tjirongo ihi ku kwa ka sesurwa ekwamo ro Muhatamunua, oBraunsweig. Etando no ma yambero omapaturuke ku avehe mbeno ndjenda yo ku huhumiøa otjiwaøa tjo Mbanderu no ku yambera punatjo.