Opolifi moshitukulwa shaShana otai kongo ovalumenhu vavali ovo va ti va faduka po konima eshi va hangika nomandini omahooli 43 a dja moAngola. 

Oshiningwanima eshi osha ningwa mexuliloshivike mOshakati efimbo loufiku. 

Omu ku lun hu wop ol i f i mosh itukulwa shaShana Commissioner Naftal Sakaria okwa hokolola ta ti ovafekelwa okwa li tava shingi otuwa itoka yoToyota Hilux ya umbata omandini omahooli noinima ikwao ya yooloka. 

Ta ti opolifi oya tameka oku kononena otuwa oyo konima eshi ovakwashiwana. 

Opolifi ava eshi ya lopotelwa, oya landula otuwa oyo ashike eshi ovafekelwa va mona opolifi, ova nhuka mo motuwa noku faduka po kolupadi, va fiya po otuwa yavo. 

Opolifi oya hokolola tai ti motuwa omo omwa hangika yoo ongodi yopeke, oipakete yomakaya, omakende omaandi okulya noshoyo oipakete 10 omalodu ouWhiskey. 

Omandini omahooli oo aeshe kumwe e li pongushu yoshimaliwa N$27 000 okwa twalwa koshitaashi shopolifi shomOshakati 

Opolifi otai indile moshiwana opo shi kale sha talela po oshitaashi shopolifi mOshakati opo shi kwafele okuyandja ouyelele kombinga yotuwa ya hangika novafekelwa. 

Oshiwana otashi kumaidwa opo shi twikile noku lopotele opolifi kombinga yoimbuluma noshoyo okuyandja ouyelele ngeenge oshiwana osha mona otuwa ya umbuta oinima tai ulike ya vakwa. 

fhamalwa@nepc.com.na