New Era Newspaper

New Era Epaper
Icon Collap
...
Home / Oveni vOtjiÞiro Otjindjandja mave tjiserekarere membo

Oveni vOtjiÞiro Otjindjandja mave tjiserekarere membo

2021-07-09  Kae Matundu-Tjiparuro

Oveni vOtjiÞiro Otjindjandja mave tjiserekarere membo
Top of a Page

Otjomuise- Nai ombura indji ozombura o 117 kombunda yo ndjembo yo 1904.

Okutja tjiri marire ouøingandu ounene ngunda umwe ngwa hupa ondjembo yo 1904 tjeno mwinyo. Puma pe hee kutja nambano ovengi ndinondi vee kurira uriri ovandu mbeharipo ondjembo tjaa yiumbu nu ngwari imbi mbi ma vetjiwa ovina mbi va zuva mova nene vao uriri. 

Tjingetjo nai imba mbayandja omaserekarerwa wao konganda yo ma hongero wo ko mbanda ya Namibia, indji o Namibia University of Science and Technology, ousupi o NUST.

Movandu imba mbayandja omaserekarerwa wawo wo TjiÞiro Otjindjandja ko NUST, owo nai ngarire orupa rwembo nda pitire, omunene omukurundu Jesaija Katjivikua, nai ndino ngu no zombura o 99. Puma pe hee kutja eye omundu ngwa kwatwa ape ozombura inÿa zo vita tji ma viya vi kayande  novandu tjaa ve pandurwa mo tumbo  twa katjombonÿi mo 1908 tji twa pata tjandje eye ayeno zombura o 14 uriri. 

OmuÞiÞi ÞiÞi mo zo mbura mwiimba mbayandjere omaserekarerwa wawo o Vepuisa Kanÿorozu, eye ngwa kwaterwa ko Tjauana mo 1970. Ovandu avehe kumwe o 24 moukoto wehi omba yandjere omaserekarerwa wa wo wo TjiÞiro Otjindjandja okuza mo zo resevate Epukiro, Okakarara, Omongua, Otjinene na Ovitoto. Okuza kEpukiro mba yandjere omaserekarerwa wawo muno zo rata ozonene zOvambanderu Ripuree Tjozongonro na KaÞiÞii Mbaeva, Sofia Kaakaree Tjiramba (eye nai nguhetjiriko rukwao, omwinyo we ngausivisiwe mohange)  ngunda muwo wina okuza kOmongua amuno' orata onene, Otniël Kavari.  Okakarara muno' ndangere Ngeke Katjangua na Tjitavi Kambausuka, mu varwe ovengi, nOvitoto muno' rata onene Moses Katjaimo  na varwe. 

Omuhungire weyuva po no mu tjiukise waro kotjiveta yari o Mbakumua Hengari, okaøepo kOkomiti yOvaherero nOvambabderu vOtjiÞiro Otjindjandja. Ena rembo indi, Omaserekarerwa wOvahupe vOtjiÞiro Otjindjandja.


2021-07-09  Kae Matundu-Tjiparuro

Share on social media
Bottom of a page