Nozondooha mbari, imwe maa terekere oruhere na imwe maa pwenene. Eye mombura ndji 1952 otja toora ouyenda pehi okuza kOkaoko ama kayenda pehi. Tjingaomayuva ngoakuha ri ovitoore ama kayenda pehi nouṱuku mokupenga ouhonapare wohuurire yOzomburu oruveze ndo tjinga Ovazorondu tji ve ri movihuro poo momaturiro ngaaye tjiukwa otjowoporise, aave sokukara norutuu rwousemba ndwaaru tjiukwa otjopasa. Ozondooha nḓa onḓa tuurunga na zo okuza kOkaoko okuhita moukoto ngandu tji ma kavaza kEpukiro nu korusenina kOtjinene eye nai ke ekusenina otjomuture tja za nokurambwa mEpukiro. Imbi oovinyoko vyomuyaruke omuhonge omunene wOfirst St John  Apostolic Faith Mission (AFM),Oarchbishopa Petrus Katikisa Daniel Tjijombo, nambano ndja rire Father Tjijombo St John Faith Mission otjondjozikiro ombongo ndji ye mu pere monḓiro ye. Katikisa ena nda rukwa i ina ngwa suverere okuimbura nu mena ranao erumbi re Johana Muhenje ngwa perwe okatikisa i yovahonge voruhindo a yandja komuangu we Tuanguraje Kutuṱa. Eye okuzambo kaa ryanga na ko pepando. Notjinguma tjimwe notjirare uriri otjomutwaro we warwe Omuhonge Tjijombo nganda a vasa Otjiwarongo tjorutenda. Ombura otjingeyo 1952 a i kOtjoto kongundwe Katjikaiva Tjijombo pa karisa ozonyannda oruveze oruingi nu mu nao a pandjara oruveze oruingi rwomahongero. Ombura otjingeyo Omuute otje mu isana kotjiungura tje nu ombura kombunda yanao a utu otjiungura hi mombongo yOruuano. Nganda a kavaza kOsouth Afrika komahongero wembo ra Ndjambi pOwilbeforce oure wozombura mbari. Tja kotoka mOnamibia mo-1955 a yaruka mOruuano ozombura ine ngandu mo-1959. Tja yaruka kOwilbeforce okukerihonga Ouevangeri. Pa kamunina ombongo ndji Ost John AFM ndja utwa i “Mama” Ungu, eye wina ngunda Muhonge Tjijombo e ri mondjira okuyenda ku ye a munu kutja maku ya omuprofete okuza kOndamaraland. Nomundu omuyapuke eye ma papitisiwa rukwao