Otjomuise-Ozotjikira zOuhonapare wOmbazu wOvaherero  na wina zo tjiwaøa atjihe tjOvaherero nai ngunda zeno' Mbara Vipuira Kapuuo otjo Muhaamise wOvihavero vio Tjirata tjOzombara zOvaherero nawina o Senata yOvaherero.

Ombara Kapuuo wa tjirirwe ama yauza no ku kukutisa ongurameno indji Oritjatatu mu Keetute wOmurari wOndjivisiro Ombaranga okwiisapo ombambaukiro ndji mai hara oku karapo kutja hapo nai mo nÿiro yOmbara Otjitambi yOvaherero, Ohahende Vekuii Rukoro, otjiwaøa tji ri mwaøi tji kweya ko mananeno watjo. Tjinga katjisupi apa tjivisirwe kutja peno' Komiti yOmatanaukiro kehi yo Muhaamise wOvihavero, Mutjinde Katjiua, eye nai nguri Omutjangererpo wOuhonapare. 

Posia Kapuuo matja eye nai onguno zo tjikira inÿa nganduu ombongarero yo zo mbara tji ma iisanewa okutara kutja nambano mape tjitwa vi? ™Okutja omberoo yetu ino Mutjangerepo wetu operi Professa Mutjinde Katjiua, oviungura  viOuhonapare wOvaherero mavi kawondja komurungu kavino' ku pandjara via pandjarisa otjiuru uriri posia oviuru imbio viarwe opuviri, o Chief Council opwiiri,∫ Kapuuo matja. Ama ningire otjiwaøa oku porimana.  Matja nao mena ro viøa no mambo ngu ma ye nyangatara mo tu ngovi neye ehino kuvanga kutja otjiwaøa tji ivaive nu nangwari  tji kurame pamwe nu tjiÞizasane nganduu oruveze tji rwaenene veisane ombongarero yo Chief Council ikatare mokutja otjihavero tjo Mbara Otjitambi mayii tjitivi. ™Mevanga oku muraera otjiøa tjimwe onÿiro ihanganisa. Onÿiro ngai tuhanganise aituhaøa nouøa peke peke ngatu kotoke pamwe,∫ Kapuuo maningire otjiwaøa nao. 

Omandaha Katjiua mo ma tjangwa wina nga hindirwe kotupa two zo mbuze, wa raisire kOvaherero mo Namibia na komahi wo zo nganda, ozomberoo azehe zOuhonapare muzo mu muna Erapi rOtjiserandu no zo komando nombongo yOruuano nawina Ehika rOvanene Vombazu Vovakwena, o komiti yovandu hambombaru kehi youhamise wovihavero.  Ndjatjere o komiti yomatanaukiro yo mberoo yOmbara Otjitambi. ™Okuyandja ounane oumbambairi nouÞakame okuza kohonga yOmberoo yOvaherero mo ruveze oruzeu tjinene ku kandinondi.∫

Pendje na Katjiua otjo mu haamise wo komiti indji, ovandu varwe hamboumwe Ombara Kapuuo, Ombara Roree TjingaeÞe, Ombara Tuendeekuje Rukambe-Uazukuaøi, Mac Hengari, Lourencia Katjitae na Amon Ngavetene. 

Ozotjikira mbinazoºOmbara Vipuiira Kapuuo, ngwazirire ko komiti ndjatuwapo ndji ma kuzu oyo ma `Tanaukiro∫, natja eye operi ozotjikira zOuhonapare wOvaherero notjiwana unazo momake we omwini otjo muhaamise wOvihavero vyo Tjirata tjOzombara no Senata.