Ethimbo lyokulonga momapya noku teya oombunda olya thikana, oyendji oye na oluhepo lwaaniilonga yokuya yambindhindha okulonga momapya.
Kansela gwoshikandjohogololo shaEtayi moshitopolwa shaMusati Hans Haikali okwa ti, ngaashi onkalo ndjiigilile, nonuumvo otaka kwathela okulonga omapya gaakulupe ye li mompumbwe lela, moshikandjohogololo she.
“Onde ya po noproyeka ndjika okuyambidhidha aakulupe okulonga omapya yawo, oshoka oyendji kayena aayambindhindhi momagumbo,” ta ti ngaaka.
Ta popi ta ti, shoka otashi kwathele okukandula pp ondjala, oshoka momapya omo hamu zi iipalutha.
Hans ta ti, egumbo lyomiti ngele ihali longwa mepya, ohashi kala ethano ewinayi moshigwana.
“Onda tumu etumwalaka kooyene yomikunda moshikandjohogololo shaEtayi ya shangithe omagumbo ngoka geli lela mompumbwe, “ ta ti ngaaka.
Ta gwedhapo ta ti, shika hasho oshikando sho tango okukwathela okulonga omapya gaakulupe.
“Simaneka nyokokulu, ngeno nyoko ina valwa, opo wu valwe wo, “ ta kumagidha ngaaka.
Kansela okwati shoka oteshi ningi noshimaliwa tashi zi mondjato ye mwene.
“Kehe ngoka ena ohokwe yokuyambindhidha oproyeka ndyika opo yi vule okukwethela omagumbo ogendji okwamanguluka,” ta ti ngaaka.
Martha Simeon gomoshikandjohogololo moka okwati, shoka tashi ningwa komuleli gwao oshiwanawa.
“Otuna aakulupe yeli momagumbo yena owike, ka pena ngoka teya yambindhindha onkene etokolo ndyoka olya wopala,” ta pandula.
Caption : Lima project taka yambidhidha aakulupe ye li 50 okulonga omapya gawo.