Kuna kumoneka asi kampani zaTransaNamib nazikara zokuhova moAfrika mokuruganesarutenda rokomaholi. Nsene nayigenda moomu yina kumoneka, nomahina mbali nadikara domosirongo ntani moSoiuth Africa yido dimwe dina kumoneka navakaruganesa mohydrogen apa nye navakatameka nosirugana somaholi aga gogreen ntani disera. Kampani ezi zomoNamibia nkera kavayinkondopekere asi awo kuna kundindira yimaliwa eyi navakagwana yina kutunda ko SASSCAL.
Kuna kundindira tupu asi projeka ezi ezuvake nazitameka vaziture paveta ndi asi patjangwa omu yina kumoneka asi TransNamib kampani zimwe modo ne daturamo mahundiro vamakumona asi mahundiro gawo vagatambura projeka ezi kwazikeve kombunga mvhura zinapuko omu zakere noyimaliwa yokusika ko 7.63 nomiliyuna doyimaliwa yaEuro ano mweyi yetu kuna kara nye N$155 nomiliyuna ngoso) eyi yina hamenemo moprojeka zangesi kuna kara Hydrogen technical, CMB, TECH, TransNamibntani vamwe ngoso avarugana kumwe nawo, ava nawo vana lituramo asi vana hara kutwara ekuliko komeho, omu navatameka kututara vakona kone asi zene ezi projeka zonomahina nsene zirugana ngesi korutjeno ngapi omu nayifanaawo ngesi vaturamo mahundiro.
"Nomahina edi mbali navaditjindja zimwe zomoNamibia ano ezi gwawo zomoSouth Africa, nadinye tadiyakara nye pevango lyaTransNamib. Apa nye nayiyakara asi sirugana kuna kuza mouta wakora. Ano yirugana nayinye kuvhura nye yiyatameke nsene asi simaliwa vana siturapo asi posili.
TransNamib kayinondopekere asi age ana kara noyiruganeso nayinye nsene asi vamupa mpito zangoso,’’ yimo ana kutanta muhuyingilipo kampani zaTransNamibi Abigail Raubenheimer. SAAACAL kuna kara elipakerero, muna hamena Angola, Botswana, Namibia,South Africa, Zambia ntani Germany, omu vana kulimburura kweyi tuna tamba asi etjindjo uzuni. Egano eli lyokutjindja kuna kara asi kwavareka morwa mukaro goyininke nagunye kuna kulitjindja ntani nomunatugendesa evhu lyetu pwantani. Apa nye kalimbwilire mapuro kosayitunga zaNew Era, Raubenheimer katente asi kuyipakerera kumwe novaholi vetu, katente asi kwato eyi vana kumona nayizonagwisa elikwamo lyangesi nsene tupu asi yimaliwa navayigwana. Age kuna kuyimona asi hawe transNamib nagava yirugana moomu vana kuyigazarera ntani age ana lituramo melikwamo lyangesi. Omu nye tuna kuyimona asi eli kapisi etameko, kuruganesa ugendero wangesi, eyi kuna kutwaredera nye twahepa kutwara yirugana yangesi moNamibia omu nayikakara asi kwato udigu nkenye. Mokugwedako, kuna kumoneka asi osoe natukagwedako momunene mokukaruganesa unkurungu ou wantani ukalihanene moyirongo yaAfrica. Yimo ngoso ana kufaturura. Raubenheimer katente asi elikwamo nalinye lyoprojeka ezi zika ze moyirugana kuna kupura makwedi 24 vakayimane nayinye.
Nomahina nye edi dokurugana pavali, kuna kumoneka asi yiso simwe vana gusa vasiture moyirugana morwa kutunda tupu mono mvhura 2010-2017 kwato yiwizamo eyi garetamo transNamib. Awo kwarugana tupu mokuzumbanesa yimaliwa yina siko ko N$4 billion. Posiruwo nye esi muhuyungi katente asi awo vana lituramo asi tavapungwisa simaliwa omu navakambekako nawo koyiwizamo yosirongo. Dogoro kampani kuna kugwana yimaliwa yazene, Raubenheimer age katente asi egano lyawo simpe kuna sika poopo.
Mndjavera@nepc.com.na new era