Ministera gakarerapo kweyi yoponze zosirongo Netumbo Nandi-Ndaitwah kahundilire vakarelipo yirongo yawo vatuma koNamibia asi vakare tavatjingisa sirongo, kwakara sirongo nomavango gokulisiga siga nonodoropa daso, nonomukunda omu dakara asi kapi dalifana nkenye evango kwakara nomutaro gwalyo gosipesiyare.
‘’ Venduka kapisi yizo Namibia,’’ age katente nonkango dangesi siruwo oso age kuna kuhuyungisa vakarelipo yirongo yawo.
Ame kuna kumuhundira asi mwahepa kudingura sirongo esi apa nye ngomugazara asi muwize kwange one nare muna kara negano asi ngapi safana sirongo esi noku novhura muntu kukadingura.
Age kahuyungire nonkango odo papa kahuyungisire vakarelipo ava omu vayitura asi nkenye mvhura siruwo nye esi sokutara eyereko yimaliwa yosirongo awo vahepa kutara malizuvho vakara nago nomu navagaruganesa.
Melizuvho nye lyokuruganena kumwe, Nandi-Ndaitwah katente asi Namibia, melikwamo lyendi lyopa ekonomi,m kuna kara simpe udigu morwa kapi yina wapa mokutara ekonomi lyosirongo ntani sitambo soministeli zendi.
Ose kuna kutwikira kutarurura asi ngapi natuwapukurura ekonomi lyetu yipo likare asi kuna kuliruganesa monaruwa, morwa asi simpe kuna kupapara vapunguli paekonomi varetemo yiwiyauka yopa ekonomi yipo tuwapukurure eparu lyovantu vetu.
Elikwamo lyetu limwe lina kara lyokuhova kuwapukurura ngendeseso zokugwana nondja.
Yipo asi nondima, kuna kara simwe esi naturuganesa natuvenye tugwane eruganeso ekonomi lyetu paeparu.
Ntani twahepa kudiva asi ngapi natugwana rutjeno nomema. Mokugwedako, Nandi-Ndaitwah katente asi Namibia ana dimburura nawa nawa elikwamo tumburo asi hawe rutjeno.
‘’Ose, kuna kugava ruhafo rwetu kovantu one mwayakarerapo yirongo yeni omu tuna kara asi kuna kuza komeho nomukaro gokugwana rutjeno rwetu.
Mokukwama mwendi age Nandi-Ndaitwah kuna kumona yirongo omu yina kuwiza morwa apa nye vana mono asi tuna kara nelikwamo lyokugwana runone rwapumbwa mosirongo ndi mouzuni.
moNamibia kuna kara nye asi ngesefa ezi zakara asi zomonda ndi zoponze unene ngwendi moAngola, Ghana, India,Nigeria, Quatar, Spain, Switzerland ntani United State of America, mokutumbura ko yimwe ngoso.
Ose kuna kumundindira simpe turuganeneni kumwe melikwamo eli tuna kara nalyo paekonomi pokatji kaNamibia noyirongo yokulisiga siga, nomu natugwanekedesa nombunga detu dopaumwene omu navatura nye elikwamogano lyaAU lyelikwamo vana kutumbura asi Agenda 2063 ntani UN netumbura asi kuruganena kumwe pauzuni,’’ yimo ngoso ana kutanta.