New Era Newspaper

New Era Epaper
Icon Collap
...
Home / Valirongi vanapili yirugana ngesi kuna kulironga udivi koICT

Valirongi vanapili yirugana ngesi kuna kulironga udivi koICT

2021-09-23  Staff Reporter

Valirongi vanapili yirugana ngesi kuna kulironga udivi koICT
Top of a Page

Josephina Mwashindange

 

Eengodi – Nkuru sure zaNamibia Nust, varongwa vazo ava vana kara ngesi asi kuna kukalizambera koministeli zomapukururpo nomagwanekero nkurungu kevango lyazo lyoponze zodoropa lyakara poOnamishu Eengodi , katente asi age ana gwederere udivi wendi moruha oru gapira kulirongera rumwe. 

Yirugana eyi yokulizambera hansa yamuninkisa agwaneko silinga. Natalia Petrus, ogu gakara asi kukwama unene nombudi paedeuro momukunda Oshikoto,MICT mvhura zina pitipo, age kuna kara ngesi nodigiri zokugendesa ugendero ntani digiri zokugendesa ngesefa gagwene momvhura 2019 ntani 2020. 

‘’ Ame kuzuvha uwaawa nsene nina kara pevango eli morwa kuninkisange nikare noyirugana ntani kupapara unene nombudi,yivhulise tupu kuhingira pembo nahana kurugana Yuma. Uwa nye wevango eli hawe ame nina lirongerepo yininke yoyinzi. Sihonena, ame kwakara nodigiri momaruha gokulisigasiga, nye ngesi ame kuvhura nitulisepo magano gange omu nayikara. 

Petrus simpe kuna kugava ruhafo rwendi, noudivi ou ana gwana, una tundu pevango eli, age kuvhura kutulisapo ngesefa omu nazi kara ntani sidimbwiliso sazo. ‘’ Ame navatera nare vanangesefa wovanzi mokutjanga magano gawo goungesefa, nampili gokulironga, kufanekla sihorokwa nkenye, CV, nayimwe ngoso. 

Nampili ngomu ana kuyitanta Petrus, vantu omu ava gwana udivi, vantu wovanzi kuruganesa tupu patjangwa nye mokuyirugana hawe. Age makura yipo kahundilire vadinkantu asi vahepa kurugana yininke eyi nayiwapukurura eparu lyawo. 

MICT kwatulisapo mavango gokulisiga siga monomukunda doponze mwankenye mukunda horowero nadinye 14, omu vana kugava mapulkururo kovantu vatunga monomukunda odo. Nkenye mukunda horowero kwakara nomavango gavali goMICT, omu nkenye evango lyakara noyininke yokuvhura kuhuyungira, mafano ntani nomahina dokuvhukisa yimbapira. Mulyo unene mavango gangesi kwagatulira [ponze zonodoropa nkenye, yipo asi vatungimo vagwane noureru mavango gangesi. Mavango aga kwakara asi gokugava nokugwanena nombudi.

Mokukwama eyereko lyekuliko ndi asi NDP 4 ICT, kuretesapo vantu vakare noudivi woupe wosinkwa ntani yipo vagusisepu mukaro gokukara asi nononkondo. Yipo nye asi ICT, kuna kugava nombudi, omu yina kumoneka asi vantu vetu sinzi kuna kulironga mukaro gomupe omu navagwana nombudi noudivi.


2021-09-23  Staff Reporter

Share on social media
Bottom of a page