Opolifi moshitukulwa shaShikoto oya kwata po ovalumenhu vane konima eshi vati va hangika neeshako muna eengodi dongopolo.
Omupopiliko wopolifi mOshikoto Inspector Ellen Nehale okwa hokolola ta ti ovafekelwa va hangwa modoolopa yaTsumeb, ova dopa okuyandja ouyelele kutya eengodi oda dja peni.
Onghee okwa ti ota ku fekelwa kutya eengodi oda vakwa naashi osha eta opo va kwatwe po.
Opolifi oya hokolola tai ti eengodi oda monika komukeleli womaliko noku lopotela. Ovafekelwa otava holoka momhangu yaTsumeb nena notava pangulilwa oshibofa shoumbudi. Oshiningwanima shikwao, omulumenhu weedula 27 naye okwa kwatwa po konima eshi a hangika a humbata oshipa shongaka motuwa yaye modoolopa yaUtapi mexuliloshivike.
Opolifi oya omufekelwa okwa kwatwa konima eshi opolifi oya hada motuwa yaye. Omufekelwa ota holoka momhangu yaUtapi nota pangulilwa oshibofa shoumbudi.
Opolifi oya kumaida oshiwana opo shi kale tashi lopotele opolifi kombinga yovanhu va umbata oinima ya vakwa ile ombelela yoifitukuti ya a menwa.