Auleria Wakudumo 

Ongwediva – Okaana kodula imwe neemwedi omulongo oka hangwa kena omwenyo melambo lonyata. 

Oshiningwanima osha ningilwa momukunda Ohaushombo mOngwediva lwopo oshivike shadja ko. 

Omukulunhu koshikondo shokukonakona oimbuluma moshitukulwa shaShana, Deputy Commissioner Frederick Ndjadila okwa koleka oshiningwanima eshi.  Otaku hokololwa oshiningwanima sha holoka pefimbo okaana ka li taka danauka navakwao mepya omo muna yoo elambo loku kungulukila omeva okandjuwo. Moudano omo, okaana oko okwa wila melambo omo.  Otaku hokololwa ounona vakwao ovo vali tava danauka pamwe naye va shiivifila ovakulunhu osho sha ningwa po meendelelo. 

Ndjadila okwa holola kutya ovakwashiwana pamwe nopolifi ova pondola okukufa mo okaana melambo lokandjuwo olo vati li heshi lile unene. Elao linene okaana aka oka hangwa ken a omwenyo. 

Omukulunhu wopolifi ta hokolola kutya okaana aka twalwa koshipangelo kaka mone epango lopaunamiti noka dja mo nale moshipangelo. 

-wakudumoauleria@gmail.com