Rundu- kansela gomukunda horowero gwaMukwe age hena munasipundi gondango zegendeso mukunda Kavango zoupumezuva, Damian Maghambayi kahundilire vasamaritani wovawa asi vavatere ekoro lyowo karulire ruvadi omu vanona vatatu kavadogorokere apa karuvavetere ruvadi sivike sina puko. Ruvadi oru karuhwikire pomukunda gwaKatenture, momukunda horowero gwaMukwe moKavango zoupumezuva, omu karudipagere vantu wokusika kwavatatu. Ano ogu gumwe age kaparukire kehudi eli, eyi kayihorokere moutatu unapuko poyiha yoj=no vili 17h00. 

‘’Vanekoro ava vana zumbanesa vanonagona ava, kuna kara asi kwato navavhura kurugana vahepa kugwana mbatero kwetu ngovatungimo tuvatere siruwo esi vana kara asi moruguwo ronomfa, tuwizenimo tuvatere apa tuna kuvhura asi tatuvatere ntani nzugo zimwe zokurara kazipire komundiro awo ngesi kuna kurara tupu ponze,’’ yimo ana kutanta Maghambayi. 

‘’ Kupitira momberewa zange zaMukwe, ose tuna turapo nare egano asi ngapi natuvhura kuvatera ngova kansela tutare asi ngapiu natuvhura kuvatera vantu vetu ava. Eyi kayihorokere yahepa kukara asi udigu unene yahepa kuza melikwamo lyopangenderera. Vanyandi ava vatunga membo limwe tupu kuna vadimburura asi yiwo; Frans Thinyemba (13) Matamu Nyambi (4) ntani Folka Dinyando Kathumbi (5). Ogu kaparukirepo kuna kara nye Victoria Thinyemba (10) kavamudukisilire kodsipangero saAndara om una kukagwana uhaku. Marutu gowo nye kavatusigire kavagatwere kosipangero saAndara omu vana kundindira vayakonakone.