Auleria Wakudumo 

Ondangwa- ndango zodoropa zaOndangwa vanagwanako rukanda oku navatwara vantu vawo mambo gokusika ko 42 vavatware ko Uutala location. Muhuyungilipo doropa ezi, Petrina Shitalangaho-Mutisha katente asi mambo gokusika ko 42 kuna kara asi nawo vamwe wosivaro sokusika ko 564 ava varundwilire vaze koOnatsi ntani koOnatsi extention 1 momvhura 2018. 

‘’ Mambo nye ogo gahupireko kwakere asi kapi vana kuvhura kuvadirura siruwo oso, morwa kapi kwakere evango lina gwanene koOnatsi,’’ yimo ana kuyizeresa ngoso. 

Mutikisha kagwedereko asi rukanda oru vahepa nye kurudiva asi Omashaka proper, kuna kukakarapo mambo gokusika ko 231 ano neyi twakuhuyunga ngesi nare vaturako rutjeno nomema. ‘’ 

Awo kwakatunga pevango eli vahana kuligaununa moomu yawapera, eyi yatwaredera asi kapi tovhuru kudika embo lina wapa nawa nawa, lina kara hena asi kwato mema norutjeno,’’ Mutikisha yimo ana kugwedako. Age simpe kagwedereko asi evango eli ndango zina kuvatwara, kwakara asi evango vagazarera asi lyongesefa. Eyi kuna kuninkisa nye asi vantu ava tavakagwana yirugana agava municipality ntani tavatjangesa mavango aga pomadina gawo. 

Uutala location moOndangwa extention 7 kwakara pepi tupu nevango lyepe eli kavatungire sinkwa ntani woGovernment Institutions Pension Fund ntani na Northern Regional Electricity Distribution mberewa zawo zonene. 

-wakudumoauleria@gmail.com