Michael Liswaniso 

KATIMA MULILO- Presidente gombunga politika National Democratic Party (NDP), Martin Lukato Lukato ana ligusako mwene kumwe nombunga zendi kombunga ezi zaUnited Democratic Party (UDP) omu vana kara nelikwamo asi Caprivi zilikarere pwazene. 

Nononkango domukumo kadigendere monosayitunga zonombudi, moutano una puko, Lukato,ogu gontundiliro zomukunda Makanga moZambezi, kayinkondopekere asi NDP ntani UDP nombunga politika dalikarera pwadene nkenye ezi kwakara nomapuliro gazo paupolitika,sitambo peke ntani nkenye ezi kwakara nonzodi zazene. NDP, sitambo sendi sokurwanesa ruhepo, epiro yirugana, kugwana marunone gosirongo kuhetakanena ntani umbondo moNamibia, ‘’ yimo katjenge ngoso. 

Lukj ato katente as i mbunga zendi kuna kara nositambo sokudika matungo , nokuwapukurura ekonomi lyosirongo. ‘’ NDP kwapura mokuruganena kumwe, mpora ntani elipakerero. United democratic party yizo nye zina kara nositambo ndi erwameno asi Zambezi region zilikarere ntani vazitumbure asi Caprivi. VaNamibia wokuhara mwahakara muna piyagana NDP kapi zalifana na UDP. 

Ose kapi twaruganena kumwe nampili nakauke. 

Eyi yina kumoneka asi nampili nakauke ose kapi ngaturuganena kumwe nawo. Makura vantu vahatupakerera kumwe morwa ose kapi tuna kara nelikwamo lyokutanta asi Zambezi zilikarere pwazene. Ose kuna kuhundira asi vahatuhameseramo nampili nakauke ntani kapisi vatufutise morwa UDP, yimo ana kutanta Lukato. 

Utatu unapuko, vahameni vatatu wombunga zaUDP kavavakwete pokaruwo gona tupu nokuvatwara kosasiyona zovaporosi moKatima Mulilo, morwa kavagendesere elyatero kalikere asi kapisi paveta vayuke komberewa zanguuru, Lawrence Sampofu, oku nye kavahere kukagava mbapira zawo zorunyegenyo. 

Owo kava kwete kapi kavavafutisire nye kavavahuyungisiore tupu kumwe nokuvasiga, mbunga ezi zaUDP kavapongere positanda zomodoropa moKatima Mulilo, omu nye kavadimbire nonsumo nokutanta asi awo vana hepa mpitisili zawo Mishake Muyongo akatengure ogu ana kara ngesi moDenmark, yipo vayaturepo epangero lyawo. Muyongo kwakere mpitisili ogu gahere asi Caprivi vaziguseko koNamibia zilikarere pwazene, eyi kwahorokere mwaAugust 1999. Vakwatesiko vendi kwakere nomauta, omu vahomokerere epangero nositambo asi evango eli Caprivi lilikarere. Nye egano lyangesi kwalihagekesere vakwayita vepangero NDF momazuva tupu gomasesu. Eyi nye yatwarederere vamwe vawo vavakwate omu vavapanye unzoni wokudipaga. 

Mbapira zawo zorunyegenyo kazisayinine Vasco Kabata ntani hamutjanga Ronnicah Sipiho, omu vana kuhundira asi vana hara kulipangera vene asi VaCaprivi/ Zambezi. 

Sampofu kapi kakerepo posiruwo oso asi atambure mbapira zawo ozo moutatu. 

-Nampa