Omafo-hamutjangantoni gombunga zaSWAPO Sophia Shaningwa kuna kara nehuguvaro asi mahoroworo gana kuwiza tavakafunda momunene, mahoroworo naga vawapa kapisi ngwendi ganare yipo nye asi mbunga zaSWAPO naziwapa morwa vana kara nesanseko lyokuvhura kusanseka. Mbunga zaSWAPO kapisi zantaantani. Ezi kuna kara mbunga zanare zina kara nonompitisili dadiva Yuma dalituramo,’’ nonkango edi kadihuyungire momapeu posigongi saSWAPO moHelao Nafidi, momukunda gwaOhangwena. Vantu ava vakara asi kwahara unene mbunga zaSWAPO kavadimbire nonsumo nokudana omu vana kuliwapayikira mahoroworo ogo gana kuwiza mo 2024 goupresidente nombongarero zanavenye. Nandi Ndaitwah yige kandindate gwaSWAPO momahoroworo ogo.
Shaningwa katente asi owo vana hara asi age yimuvhure yirugana yeni hawe kapi nayirugana yangoso, nye kuna kumoneka asi mbunga zaSWAPO tazikafunda. Pepongo olyo, age katanterere owo kavakerepo asi Nandi Ndaitwah yige kandindate ana kara asi takasikisamo yirugana nokukakara asi Presidente gosirongo. ‘’ Kapi ana kurupa. Age kuna kara nononkondo dokutwara sirongo esi komeho. Makura yina kara mulyo asi tumupe siruwo mokukamuhorowora, nokuhundira vantu asi twahepa kuhageka mukaro gokupitira monosayitunga mokuswara vakondi vetu, unene Nandi Ndaitwah. Hamutjanga ntoni kahundilire owo ngavakakarerapo mbunga zaSWAPO asi vahakarara ndi asi vakakare uholi nonombunga mpatanesi uholi. Ose ngatuvapa nondja ngadigwanena ntani mema. Ose kuna hara kugwana yitundwamo yina wapa nawa nawa,’’ yimo ana kugwedako.
Nampili ngoso, age simpe katente asi epangero lyaretesapo ekuliko kovantu, eyi yina kumoneka asi nonzira donongwa, matungo, magwanekero ntani mavango gouhaku, epopero nekeverero ntani erongo lyomawoko woko. ‘’ Ava tuna kurumbasana nawo ngesi kuna kuhuyungisa mavango gana pili vantu. Awo ngesi nawo komavango gokulisiga siga vana kara nononkambadaro, moomu vavhulira vagwana makwatesoko nye kapi vana kugagwana. Awo kuna kukambandara vafute nye nonzo dawo, yimo vana kugwana udigu, yimo ana kuvasinda ngoso.
Age simpe kazire komeho asi mbunga zaSWAPO zelike zina kara asi kuvhura kukagusapo maudigu aga tuna kara nago, omu nkarapamwe zahepa kuvatanetra asi ngapi natukatura noprojeka mosirugana. Age simpe kahundilire vahameni wombunga vahanese mbudi zaSWAPO komavango gokulisiga siga. Ose ngatu twikira kutwara ekuliko kovantu vetu sirongo nasinye. Tuzeni tukarugane zende embo zende embo, koradio, koTV konosayitunga dokulisiga siga yipo asi vantu vakahorowore mbunga zaSWAPO nakandindate gwazo. Ame, kuna kuhundira asi vahameni vaSWAPO vakwatesiko novahali mbili asi tupapareni mazwi nombili. Ogu nage kakahuyungire posigongi esi, nguuru gwanare gwaOhangwena Usko Nghaamwa kahundilire vadibnkantu asi vahavaruganesa nombunga mpatanesi vakutumbwidira vantu yininke yoyimpempa. ‘’ Awo kuna kupapara yirugana. Mwahavapurakena, yimo ngoso ana kutantera vadinkantu. -fhamalwa@nepc.com.na