OSHAKATI- Hiltrudus Festus oo ali a vena Miss Womalenga 2025 okwa ti osha li olweendo liwa kuye nokwe li longekida okuyandja oshishani kwaao a shikula ko.
Festus okwa li ta popi pouvalelo wonomena wina oo wali wa ningwa onga omalogekido Oshakati Totem Expo Olomakaya la dja ko.
“Eshi shali sha findanifa nge oshe shi kutya onda li nda kendabala okutanga omadimo aeshe a nda li nda pulwa ndi fatulule,” ta holola ngaho.
Festus okwa hokolola yo kutya momafiyafano natango okwa li a djala a djelekeka pamufyuululwakalo ngaashi naana ovakulukadi vomalenga hava djala.
Mokukaleka po omufyuululwakalo una omwenyo, elelo doolopa yaShakati ola popya kutya noneudo ota li kaeta po oshivilo shokudimbuluka omadimo osho sha shiivika nawa nedina Totem Expo, nomoshivilo omo otamu ka kala natango omafiyafano a Miss Womalenga.
Omafiyafano aa otaa ka etwa po kovakainhu okudja peedula 35 wa uka pombada ovo tava ka kala va djala va djalekeka omidjalo dopamufyuululwakalo.
Omupopiliko wodoolopa yaShakati Martin Kapuka okwa yelifa kutya momafiyafano omo nee tamu kadja omukulukadi ou taka ifanwa kutya oye Miss Womalenga.
Kapuka ota tumbula yo kutya elalakano lomafiyafano aa okudungika oshiwana nghee shina okukaleka po omidjalo do pamifyuululwakalo.
“Oipindi yoneudo otai ka denga mbada shaashi ota ku ka kala oinima ihapu ya yooloka noya nyika omufyuululwa kalo woshil ,” Kapuka ta ti.
Omapata otaa ka shiivafana nawa, doo nomifyuululwa kalo moshilongo otadi ka shakena.
Kapuka okwa yelifa kutya ovakulukadi ava va hala okukufa ombinga muMiss Womalenga ova teelelwa va hadife eefooloma tadi hangika kombelewayelelo yelelo lodoolopa mOshakati.
“Ofooloma imwe oina N$ 100. Omalishangifo otaa ka xula mo 30 Apilili 2026,” ta yelifa.
Oipindi ei ita i ka kala ashike ina Miss Womalenga, natango oya teelelika yo i ka kale ina Miss Totem, hano okakadona dingi.
Kapuka okwa ti oukadona ava va teelelwa veli shangife muMiss Totem Expo okudja peedula 18 fiyo 25. Omalishangifo otaa xulu mo30 Apilili 2026.
Oshitufi eshi osha teelelika shika tameke mo29 ya Mei fiyo 06 Juni2026. Otashi ka yandja yo omhito kovanangeshefa vomangeshefelo opedu omhito opo va dule okulishingifa oinima yavo.
Taimihaihambo2000@gmail.com