Osarama indji Orichlyn yozoheketara o-8,305 mOmaheke komahandurisiro itjimwe tjovinyoko vyohoromende yOmutjuṋikwa Operesindenda ya Namibia, Netumbo Nandi-Ndaitwah.

Eye omuini Omandaha otja tja raisire mOtjomuise oviungura vyohoromende ye kombunda yomayuva esere poo omieze vitatu. Otja kuye tji tjiri otjiungura kehi yoviungura vye hambombari ovitenga, itji tjotutumbo novikunwa. Mehungi re wa teterere imbi mbya ungurwa i yohoromende ye mouparanga wehi arihe okuza nganda ae ya komananeno tji ya ri 21 ku Seninarindi ombura ndji. Posi ya etjangwa ndi ohunga novinyoko mbya tjama novature veraka ndi apehe pu ve rarera, okupendukira na wina okuhupira tjimuna motukondwa twa Kunene, Omaheke, Otjozondupa na Rongo. 

Wina omberoo yOministera Ondenga norutu rOmihoko Omikukutasane ndu notjiṋa novikurya, kutja pe kare nongwizikiro yovikurya, rwa kara notjiungura mOkarukondwa kOmatoorero ka Tjombinḓe otjo tji tjari onḓoneno. 

Orupa rwarwe orunahepero otja kohoromende ya NNN omanyando. Otukondwa o-14 mehi matu tungirwa orutjandja rwomanyando rondondo yakandino ndi otja komatarero worutu orunane rotjimbere mOafrika, indwi Oconfederation of African Football, ousupi Ocafa. 

Tji kwe ya komitanda wina tji tjiri otjiungura tjimwe mu imbi ovitenga okuvipangiṋa. Ohoromende ya kwizike omangete o-257 yOzondara za Namibia. Omahongero wOkombanda mu mu na ingo woviungura vyokomake okuza kombura ndi mai yende ngu maye rire otjari tjohoromende. Orupa romanyaṋukisio novinangongo wina maru munu ombango yapeke. Ongooneya ya Maheke mehungi yaro otja tji ya raisire. 

Orupa rwarwe motupa otutenga nohepero kohoromende ouveruke nondumbiro yotjiwaṋa. Okondjaṱu mOtjozondjupa nEpupa mOkunene mu ma mu tungwa ozokirinika ombura ndji. 

Ohunga nehi, omaha nomeva wombonḓi mape tungwa ozondjuwo o-3,492 nomayetero wokotjikoro womatungiro wozondjuwo mouingi tji tja uta nohoromende ya Hifikepunye Pohamba. Mu mu nozondjuwo o-24 mOpuuo. Nouruwo o-1,019 mbwa manuka 203 wawo mOtjozondjupa, 16 mOmaheke, 30 mOkunene na 43 mErongo. Posi ya pu pe ha ri ongahukiro kutja opi motukondwa twi. 

Ohoromende ya keka imbi mbi mai tja ovitunduuze vyombwiko. Ozongoporo, oviyakise; omaze nongasa; Orupa rOvayenda nOvaryange; Omeva, Omahundju; Ovitoore nOvivasise Vyomitwaro. Mu imbi avihe hambombari Omeva porwe nOvitoore Novivasise ombi mavi munika ayo vi norupe notukondwa twa Erongo, Kunene, Omaheke na Tjozondjupa, nozondjombo nḓa toporwa mOkunene (11); Omaheke (11) na Tjozondjupa po (20) mozondjombo azehe nḓa toporwa mehi o- (67). Na zarwe 40 nḓu maze sokutoporwa zazo o-6 mOtjozondjupa. Zarwe ozondjira yopokati ka Opuuo na Kanguati na wina mOtjozondjupa.