MoOshakati-Murwi gwanare nahena age gumwe gahepa uye wekondjero emanguruko gedina Gaus Iipinge Shikomba kwato kontunda zevhu.Age kadogorokere moune womazuva gane gaSindimba,konyima tupu ana gahepa kouvera ou wokuhageka mutjima kurugana.Eyi kayihorokerere momukunda vana kutumbura asi Onatshiku,momukunda horowero gwaOkatana.Nomfa dendi kadigeve nguuru gomukunda Oshana Klemense Kashuuupulwa.
Age kwamuhampuruka mwaMurongagona 27,1935,pomukunda vana kutumbura asi Onatshiku momukunda horowero gwaOkatana,age kwazire mopolitika monomvhura1958,ropomuhowo apa gayaligwanekerere naAndimba Toivo YaToivo moOndangwa.Siruwo ose age YaToivo muwapayiki gombunga ezi ngavatumbura asi (OPC)ndi asi OPO,ezi vayarundwilire asi yizo mbunga zaSWAPO pwantani,kutunda mokutunda mwaKudumogona 19,1960.Apa twamupuragerere mazuva gakapita age kwatente asi kutunda tupu apa gazuvhire nye nombudi edi hawe age takara eparu lyendi nalinye moupolitika.Age kwapura asi politika kwazihepa yiruwo nayinye mokukondjera emanguruko ndi asi mosiruwo sompora.
Mo1966,Shikomba yipo galizamberere atengure kutunda koBaye aka kare muwapayiki goSAWPO mokahorehore vakute vantu moukwayita waSAWPO.Apa nye gakere asi yige mufili sinka siponga tasihoroka kwamukwawo zendi gomunene Leo Shoopala.Mazuva gendi gomadona meparu kwatamekere mo11 Nsinano 1966.Age gumwe gwava vana politika vazire vakamone hompa goVakwambi,momukunda gwaOshana siruwo ose hompa age Jackey Ashipala.Age simpe kuna kuyidiworoka asi awo kwakere vatatu.Kwakere Leo Shoopala,Fidelis Laban namwene,apa hompa katokwere asi vaturoyo nohanga tadicuka.Morwa ose kwazire nositambo sokukapura asi morwa sinke vagendesi wopampo vanakupira kuhingira kumwe vatare asi sirongo kupi sina yuka.Poopo yipo vadipagere Ashipaala ano Laban kwaremanene ano ame kwantumpukiremo nahana sivadi.Apa nye vatamekere kurwa vakwayita vaSWAPO nava vaSUID Afrika moOmugulugwombashe,moOmusati momazuva 26 Siwogedi 1966,Shikomba nage yipo vamukwete vakwayita vaSuid Afrika.Nye nayimwesi yakwese oyo age tagendi ngorooro sihingilisa dogoro takahamena hena mehomoko eli lyakereko koOshikango mo27 September 1966.
Apa vakamukwetenye ngoso hawe age ana remana mokuguru omu vamuroyere ruhambombali.Mugara ogu kwamutoonene ndi asi kwamona siponga momawoko govanyengi.Dogoro yayaninkisire vayamuture nyama peke morwa zendi zina zonauka mokumutoona.Apa nye gahere asi ngano adane nomvhura dedi dehampuruko hawe yipo poopop vamuhamata nokumutwara koTshwane koPretoria,oku vakamutokwerere asi eparu lyendi nalinye gahepa kukara modorongo.Age kwamugusiremo modorongo mo11May 1984,konyima tupu apa gakere modorongo nomvhura 15.
Age kwakagwanako hena nzapo zokufira sinka vantu vendi nampili ngomu gakakere modorongo.Age kwagwene hena medaliye zoyirugana yoyiwa eyi garugana ezi gamupere presidente gokuhova mosirongo esi kamarada Sam Nujoma,mo2004,July 10.Ntani age kwagwene hena nzapo kwapresidente gwaSuid Afrika,Nelson Mandela.Ogu vakakere nendi modorongo zoozo.Mahwi nagenye aga kuna kulikida asi muntu ogu kapi gakere nowoma nampili nakauke.Age gumwe gagwene uhwi ndi asi medaliye zaOMOGULUGWOBASHE omu gakere asi ependa.Nage gumwe hena kakere sinkwa ntani moEenhana kavakapere nomedaliye presidente Hifikepunye Pohamba.Age zendi kwkakere zokaptein.Nage gumwe gagwna embo melikwamo eli vana kara nalyo lyepangero vana kupa varwi vanare.
Age kwakara namukadendi musita Wilhelmine Mpingana ogu gakere nare musita gongereka zaELCIN,ogu valikwere nendi mo April 6,1985 kunyima tupu apa vamugusire modorongo.Age kuna sigi mukadendi namunawo gonomvhura 21 gomukadona gedina Ndilipondina elago Judith,ogu ana kara ngesi asi kosuere zoPolytechnic of Namibia,ogu ana kara asi mulirongi goTechnology.