Auleria Wakudumo

ONDANGWA – Khuta ya Mulao ya Sikiliti mwa Ondangwa nelengile Julius Shinyama lilimo zemashumi amane, kasamulaho akufumaniwa mulatu wakubitelela mwana ‘hae wamusizana wakuipepela lilimo liketalizoho zefelile. Khuta nefumani kuli Shinyama nabitelezi mwana ‘hae wamusizana habeli mwa silimo sa 2020 mi amufa mulwalo. Mbututu yana sikapatalzwa kapa neli musizana kapa mushimani natimezi inge ali kambwitamamina kakuca mwa mulilo.

Muatuli yomunyinyani Ruben Hamunyera nalumezi Shinyama mwatolongo hala milatu yemibeli. Kono lilimo zahae lika zamaelela kacwalo ulengilwe mwatolongo lilimo zemashumi amabeli feela. Kanako yakumutomela lilimo zakuya mwatolongo, Hamunyera naize yanyaziwa nasika bonisa kuipona mafosisa. Kono napihelela kubulela kuli nasika bitelela mwana ‘hae nikuli nasa utwisisi kuli kiñi hana lengiwa mwatolongo haiba hakuna zana ezize.

Lipaki zepeli zene pakela Shinyama neli kupa khuta kuli italime taba yakuli una misebezi yemiñata. Kona hanasanzo fumana musebezi mi una ni bana balishumi. Unyezi mi mufumahali wahae habeleki. Yanyaziwa hape una ni limunanu, mi una ni babeleki balifa,” nekubaleha bupaki.

Lipaki za mubuso neli pakile kuli likezo za Shinyama neli tisize kuli yana bitelezwi apile bupilo bobusina tabo ili kalulo yene tisize kuli atuhele sikolo. Neba ize nazwile mwa hala sicaba bakeñisa kuli nakendilwe nikusupiwa kuli napumuzi ni muuna yana pumuzi ni mahe.  Chaly Iiyambo nayemela mubuso mi Shinyama na ikemela.