KATIMA MULILO – Muyemeli wa silalanda sa Kabbe ya Mbowela, Raymond Sezuni wa kopano ya Swapo, nakoniselizwe mwa ofesi Labune. Kukonisezwa kwa hae neku ezahelezi kwa ofesi ya Katengo ka Sikiliti sa Zambezi, mi kutaha amano wina liketisa za makutela mwana teuzi muipapati wakopano ya IPC Sydney Shamwazi.

Muatuli yomunyinyani mwa khuta ya mulao ya sikiliti Clara Mwilima, nakonkiselize Sezuni kakulatelela mulao wa kalulo yabulobañwi, ozamaisa Tutengo twa Sikiliti, Wabu 22 wasilimo sa 1992. 

Abala buitamo bwana kutela Sezuni bone bubaleha cwana: “Na Raymond Kamwi Sezuni, ni itama kaluci ni kakutala mi ni sepisa kusepahala kwa naha Namibia, kuzwisezapata ni kulwanela mutomopuso wanaha Namibia ni milao ya naha Namibia, ni kueza musebezi onifilwe kakuba muyemeli wa Katengo ka Sikiliti sa Zambezi. Kaswanelo, kakusepahala mi kusina sialuluti, monikonela kaufela. Kacwalo unituse Mulimu.”

Sezuni nakonilwe kuketwa kasamulaho muyemeli wasilalanda sa Kabbe ya Mbowela sapili John Likando naketilwe kuya kwa Ndu ya Mulao.

Caption: Konkiselizwe… Raymond Sezuni nakonkiselizwe kuba muyemeli wa silalanda sa Kabbe ya Mbowela Labune, kasamulaho akuwina liketisa zamakutela.