ONGWEDIVA-Omunambelewa monooli wehangano lokuyandja ohonde loNAMBTS Adolf Mwafangeyo okwa pula oshiwana opo shi twikile okuyandja ohonde unene pefimbo e li twau ka muDesemba. Okwa ti onghalo yohonde kehangano lavo oi li xwepo ashike ovanhu otava holoka momwaalu mu shona efiku keshe. Okwa pula oshiwana opo shi holoke momwaalu muhapu okukayandja ohonde pefimbo olo tava ka talelapo eenhele da yooloka. Okwa ti nena fiyo omongula ove li modoolopa yaEehana okudja potundi 10h00 fiyo 18h00 noHenties Bay okudja potundi 10h00 fiyo 15h30. 

“Mongula otu li koTsumeb fiyo Etitano okudja potundi 08h00 fiyo 18h00,” ta ti. 

Mwafangeyo okwa pandula ovanaf ikola koiputudil o nokeesekundufikola molwashi ohava kala alushe ve na ohokwe okuyandja ohonde. 

Okwa kumaida oshiwana opo shi twikile okuholoka momwaalu muhapu okukayandja ohonde molwashi ohonde oya fimana kovanaudu. 

Okwa ti NAMBTS ota twikile okukwashipaleka kutya ovanhu ve li momhumbwe yohonde koipangelo ova pewa ohonde opo eemwenyo davo di xupifwe. 

“Ohonde ei tai yandjwa koshiwana ohai kwafele ovanhu vena omikifi da yooloka ngaashi okaangela, pefimbo oomeme tava pulumuna, omunhu ngeenge ta tandwa nosho tuu omikifi dikwao,” ta ti. 

Okwa lombwela oshiwana opo shitopolafane ouyelele kombinga yefimano lohonde opo ovanhu va kale ve na eudeko la wana nokukala ve na ohokwe yokuyandja ohonde. 

Okwa ti endiki lavo olo li li moshipangelo shaShakati oha li longo Omaandaxa keshe okudja 10h00 fiyo 18h00 oshivike keshe. 

fhamalwa@nepc.com.na