Auleria Wakudumo
Oshiputudilo shoNamcol osha tameka okuninga omalishangifo ovahongwa ava va hala okuli wapeka oilongwa yavo yondodo 11 (NSSCO) oshoyo 12 (NSSCAS) oshilongo ashishe nena.
ondodo yoNSSCO ile oNSSCAS
Omukulunhuwiliki woNamcol Ndeshimona Afunde okwa holola ta ti oidjemo yovahongwa yodula yadjako inai djamo ngaashi kwali ya teelelwa molwa ovahongwa vahapu inave shi endifa nawa.
“Nande ongaho, ohatu kendabala oku uya po nomikalo dayooloka opo tu lundulule oidjemo yovahongwa vetu nokukeelela edopo lili pombada nefiyepo lofikola,” Afunde ta ti.
Afunde okwa ti elelo loshiputudilo ola kala omutumba nola tula nale moilonga omikalo dayooloka odo tadi kwafele ovahongwa tava endulula eendodo davo.
“Ohatu twikile nokutalulula oidjemo opo tu mone kutya omolwashike eenhele dimwe daNamcol hadi piti di dulife dikwao opo tu shiive okutungila ko,” Afunde ta ti.
Okulishangifa okuna N$150 omanga oilonga ina N$300 moshilongwa shimwe.
Ovahongwa ovadjaidjai navo vati ova tambulwa ko okulishangifa, tava landula omulandu umwe novahongwa aveshe.
Afunde okwa kughilila ovahongwa opo vaha fye ohoni okulishangifa koNamcol.
“Kapena omunhu iha nyengwa, ashike epuko limwe to dulu okuninga ongeenge weli efele pedu. Nande ino mona oitwa oyo wali wa hala, itashi shiti ito dulu okuli wedelako,” Afunde ta ti.
Efiku la xuuninwa lokulishangifa koNamcol o5 Februali 2025.