Eturomo ehundiro lyomurugani gwanare gwaNamdia, muporosi gomukondi ogu yina tamba yomakuye negazarero asi kwarugana umbondo wounene ngesi vanayirundurura dogoro mokwedi kwaKudumonkuru, 18, 2026 omu ngazi katwikira mompanguro zomoBethanie. 

Stefanus Rhoman, murugani gwanare gwaNamdia, kumwe nomuporosi kurona Willem Stoffel, kuna kara nye mononkango dina vatamba morwa kapa varugana kukwama veta ezi vaturapo mokupopera umbondo kupitira monoveta da POCA (Prevention of Organised Crime Act, kuna kuvagazarera asi awo kwavatera vatjotji varugane umbondo mokupitisa yininke pwahana asi paveta. 

Awo kuna vatamba asi kwadirura yimuna pofarama !Nharis momukunda gwaBethanie mokukwama nye managwiro gaGeorge Cloete. Nongombe edi kwadirandesa nye awo kwaruganesa yimaliwa eyi vavaka moNamdia, widi wahorokere mwaMurongagona 2025. Cloete ngesi kuna mutamba yokuruganesa yimaliwa mepuko, ntani kupitisa kawe parupe rowidi aka vavaka mevango lyaNamdia. Posiruwo nye sokukamupuragera, mupanguli Riwayne Doeseb karwanesere asi analifutiremo. 

Age karuganesere unene epuko, yoku hendauka hena kompanguro. Age kuna kuhundira asi eyi kuna kumoneka asi muntu gwangesi nare garugana yininke yokufana ngesi yipo nye asi kapi tavamupulisire alifutiremo, ntani epangero lina kara nosiponga sangesi. 

Doeseb simpe kageve udigu wendi asi kwato muntu ogu kumupwagesa morwa vantu kapi vana kuytihafera, ntani ngendeseso zetu zoyipangura, epangero lyetu kuna kutanta asi yikawe yepangero makura nalyo kuna kukwama elikwamo lyangesi. 

Mokukwama nye umbangi wavene, navenye Rhoman ntani Stoffel kavatanterere mpanguro asi aw okapi vana kara negano nkenye lyokuhendauka kuyamoneka ntani asi varugane epuko hena lyangoso. Awo kuna parapo asi navatambura nkenye etokoro nalikarapo lyokukara asi vakandindkilire ponze kukwama tupu noveta edi nazitulisapo mpanguro. 

Rhoman kuna kumukarerapo ahende Theo Carolus, ano age Stoffel kuna kumukarerapo Trevor Brockerhoff.