Lorato Khobetsi

Ndango zegendeso zaGibeon momukunda gwaHardap kuna kugazara kukara nomavango getungo giomanzi, omu navakara nye negano lyokukwata siruwo asi ngapi navagusapo udigu wokupira mambo posiruwo esi vana kara naso omu mambo gana sesupa. 

Eyi kuna kumoneka nawa nawa morwa sinzi sovakurupe vetu kuna tungu momambo goyipereki ndi asi yimbashu. Munasipundiu gondango gendeso zaGibeon Ellerien // Khebes katente asi ndango kuna kara ngesi negano asi tavakatulisapo egano lyokukwata siruwo sosire kukwama asi ngapi omu vana kuparuka vantu vetu nomu natuvavatera. 

Age katente asi ndango zina kara asi tazikawapukurura elikwampo lyawo lyokuwapukurura evhu, nokutulisapo elikwamo lyokulihamesera mo navenye mokuranda embo ntani kukatara nye elikwamo lyoPPP omu nye navavatera elikwamo lyokudika mambo unene kovantu vana kara asi kapi tavavhuru kuranda embo. 

Ndango simpe kuna kara negano asi vagwanekere noministeli zonodoropa nekuliko nomukunda vatare asi yinke navavhura kuruganako. 

Eyi tuna kugazara kurugana kuza mosirugana yivhulise tupu asi kugava mauhwi yipo asi embo olyo luahepa kuwapa nawa nawa. 

Ose kuna hara kukara negano twaromo eli lina kuliza neparu lyantani unene monkarapamwe zetu. Simpe age katente asi ndango nare zatameka kutara mambo aga gazonauka ndi gana kurupa yipo vakare nouzera naunye. 

Dogoro ngesi mambo 11 vana gadimbiu=uriura nare, nampili ngomu yina kara asi elikwamo kuna kutwima mambo aga nye gana kara asi mosiponga natugagwana tupu nagenye. Ose kuna kutara unene mambo vadika gahana asi gekuma. 

Dogoro papa mambo 11 vana gadimburura nye simpe kuna kupapara gamwe. //Kheibes kagwedereko asi vakurupe vetu yiwo vamwe vana kara asi kuna vagumu unene eyi yokupira mambo. 

Awo ngesi kunakara nelikwamo klyokuwapukurura malikwamo gawo komambo vatare asi yilye mwenya embo, ntani yilye gakaramo sioruwo sosire. 

Moyihorokwa yimwe embo kwakara pomukondi nye ruha rumwe embo pomunona ndi nsene asi ogo mwenya embo ana dogoroka. mukaro gwangesi kapi agu gumu vanona ndi vakurona velike, kuguma navenye. 

Mambo gangesi nomukaro gwago kuna kara moNamibia namunye rambako moGibeon. Sivaro sokiuhulilira somambo aga yina gumu kuna kara asi simpe kapi sina divikwa. 

Musipundi simpe katwikilire asi, nampili ngoso, vantu vetu kuvhura kuruganesa elikwamo ngwendi Shack Dwellers Federation ntani Buld Together, morwa sinzi sovantu vana hara mambo kapi vana kusikisamo yihepwa.

Lorato Khobetsi mugavi mbudi goministeli zonombudi nomagwanekero momukunda gewaHardap.