Namibia, China kavatulire malizuvho goukanguki gapame

Home Rukwangali Namibia, China kavatulire malizuvho goukanguki gapame
Namibia,  China kavatulire malizuvho goukanguki gapame

Epangero lyosirongo saChina simpe kuna kutuma vadivi uhaku vawize koNamibia omu simpe vana kuyakambekako kuhoko nokugwederera ukwawo ou wakarapo pokatji koyirongo eyi yivali kutunda mo 1996. 

Wokusika ko 15 vaChina kavakavatambwire kosilika kasikarere kosipangero sepangero saKatutura moVenduka, ano ava nye 14 kuna kukavandindira vakatunda moNamibia mvhura zeezi. 

Ministera goukanguki Dr Kalumbi Shangula katente asi, mukaropo govantu ndi vahakuli ava momavango getu gokuhakwira kuna kuninkisa yiturerupe mokugava sirugana kovaveli vetu. 

Ose kuna kupandura sirugana nomulyo unene ogu vana kugava vaChina ava kuhamena uhaku ntani kweyi ava kambekeko kouhaku wovantu vetu moNamibia. 

Age katente asi monomvhura 27 dakapita, uhwi ou atugwana wokutunda kosirongo saChina, kwayilikida nawa nawa koyirugana eyi vana kurugana vahakuli ava omu ava gava uhaku kwahana mfuto nkenye.  Ava nye 14 vaChina vadiva uhaku, awo kuna rugana unene monomvhura ndi mvhura ezi noukahe,’’ yimo ana kutanta. Age simpe kavahundilire asi vahepa simpe kutwara mukaro gwangesi yipo yirongo yivali eyi yikare kuna kuruganena kumwe unene morupe rwoukanguki. 

Mukarelipo sirongo saChina moNamibia, Zhao Weiping katente asi; 

‘’ ame kuna kuyimona asi ava 15 vanatundu kosirongo saChina, vana kara nmosigendo saDr. Li ngava kwawo moomu varugene vakwawo ava vahovere kuwiza koNamibia. Age katente hena asi China nakatuma ndi nagava yimaliwa kwavavana hara kukalironga uhako vakadeura vaNamibia vayarugane moyipangero. 

Mukarelipo nye mowo 15 katente asi, ‘’ Ose kuvhura tuyagwenekere noudigu momavango gomape aga goyirugana; mberewa zetu zomukarelipo kuna kara asi yiko tuna zegamene, ose ngatu kondja moomu twavhulira yipo asi ytuyike momavangoi getu ogo tuna kuruganena moNamibia eyi yahepa kukara yongenderera yize moyirugana. –vamutnya@gamail.com