Bank Windhoeks ge ǁîs di ǁguiǂgāsens Namibiab ǂnuwiǁkhāsib tsî !hao!nāsi ǁnaetina omkhâis dib di !nāmâba xu, ǁîs di ǀōǁaisa Ams di ǁkhawa unu!nâhe tsî ǁkhaeǁnâhes di hōhō!nâs ǁnāti ī ǀnûgus disa ge mâi-ai!â, nēs ge ‘Ī ǁkhā i a marisâuǂgae-e ǀnamsa?’ ti hâ ǀasa ǂgaiǂams !naka. Nē ǀnûgus ge !hūǁî ǀkhō-aona ǁnāti i !ēsa ra mā, in ǁîn ǂnuwiǁkhāsiba ǁgauǂui tsî ǁkhāti nēs !nâ-ū !gâi!gâ ǁkhā, ǀnîkhamikō !gôab dans marisa hōsa. 

Danao-i, nē ǀnûgus di-i ge N$70 000 marisa ra hō, ǀgamǁî !khais ai ra ǂoaxa danao-e N$50 000 tsî !nonaǁî !khais ai N$30 000. ǁKhātis ǀnûgusa ǁgūbas ge, 

Namibiab !kharaga ǂnuwiǁkhābena tsēdīsa tsî ǁnās !aroma ǀkhō-aon tsî ǁnae-aona ra ǁkhauǂui, ǁîn nē marisâuǂgaesa ra māǂoa kaise ra ǀkhōba amsa ǂnuwi tsî ǂhaitsi ǂhawegu ai ǀhûhâsiga !â kaisa. 

Bank Windhoeks ge nē ǀnûgusa ǂanǂansa Namibab di musik !amǁare-aob, Ponti Dikuuab hîa ge ‘For the sake of Love (ǀNammi !aroma),’ ti hâsa ǂgâxa-ūba hîa a nē ǀnûgus di !gao!gaob dis dib ǀkha ǀhûǁare hâse ra dī. 

ǁNae-aona ǁkhauǂuis, nē amsa ǁîn di ǀō-aisasib !nâ !khunis, !nâ-ūs ge marisâuǂgaes nēsa ǂnuwiǁkhāsib, !amǂgāsasib tsî ǀō-aisa ǁgâiǂuisen ǀgauba ra ǂgaoǂgao!nâ tsî ǁgauǂui ǂgao. 

Bank Windhoeks noxopa nē ǀnûgus !nâ-ū ra dīs ge, !ēsa nēsi ra ǀomkhâi ǁnae-aon tsî ǀoro ǂansabe ǁnae-aon tsîna mā tsî ǁnāti ī soaba kuruba nîsa in ǀhûǁare, ǀomkhâi tsî !gâ-aon tsî ǁhao-aon ǀkha !khōgu. Jacqueline Packs, danasîsenǂuira mâisas, ǂanǂanǁgauǂuidi tsî sîsenǂnûiǂgās ǁnâuguǂharub !oabadi !âb Bank Windhoeks dib dis, ge ge nē nûgus ǂgaiǂams ‘Ī ǁkhā i a marisâuǂgae-e ǀnamsa?’ ti hâsa gere ǀgongon!gao. 

“ǀNûgus nau ǀkhāb aib ge nē ǂâiǀgauba Namibiab māde tsēdīs, ǀhûhâsib sîsenǁareba ǂgaoǂgao!nâs, tsî marisâuǂgaes tsî ǂnuwiǁkhāsib ǁaegu hâ !gaeǁaresa ǀgaiǀgaisa !khōǂgā hâ,” tis ge Packsa ge mî. Mādi tsî ǂnuwiǁkhāsib !kharaga ǁnae-aon tsî ǀkhō-aona xu nî ǂoaxab ge Namibiab di !khūhâ ǂnuwiǁkhāsib ǂansa ra ǁgauǂui, hoa !hūbaisise nî mûhō tsî ǂan!gâhese. 

“Hâ a ǂkhîo!nâsiga da ge ra ǁnâu tsî ǂan!gâ, xawes ge nē ǀnûgus di ǂgaikhâisa hoana nî !khōǂgāse ge ǂâiǁguihe tsî mâtikō ǂansa i ǀnûgu-ao-e ǀnai ūhâ tamas ka i o ūhâ tamas ai !gao!gaosa tama hâ, ǁnā-amaga a hoa Namibiaǁîn di,” tis ge ge mî!gā!gā. Hoa ǁhao-aon ge ra ǂganhe, ǀnûgus di ǁgaragu tsî ǀgauga saosa. Danaon ge mâtikō !gôagu kō-aon digan YouTubes, Instagrams tsî Tik Toks ai ǀhaoǀhaobasen hâs xa nî mîǁguihe.