Presidente Netumbo Nandi- Ndaitwah moune una puko, kakere nepongo katambeserere vadinkantu momukunda horowero gwaTobias Hainyeko omu kagwanekerere novadinkantu mokuvahundira asi vahorowore mbunga zaSWAPO momahoroworo gana kuwiza yipo swapo akare yige ana kupangera, omu kakere tayirugurura mokuvapura asi sili ngava kahorowora nawa mouhunga ndi? Omu kalikidire nye kombunga owo vana kara asi vakandindate wombunga zendi.
Siruwo sooso age karuganesere asi nompitisili dopaupolitika ngano ditwikire ngorooro, nokutantera vahorowoli asi epangero lyendi kuna kurugana unene mokusikisamo eyi vana hara vahorowoli. Nandi- Ndaitwah katente hena asi age kuna tura nye vadinkantu mepangero lyendi yipo vatware ekuliko kohemo nokugava ngesefa kovadinkantu, yiruganan, erongo, ukangu ntani mambo. ‘’ wovape vana kuwizamo? Tatuzi tukahorowore? Tatukahorowora mouhunga? Yousili tuna kuhuyunga? Mapuro gendi hawe kaganinkisire vadive asi paupolitika vadinkantu kuna kara mokatji kawo naPresidente gosirongo.mazuva tupu gongandi vaNamibia tavazi vakahorowore. Nandi- Ndaitwah katanterere epongo asi age kapi ana kara nowoma womahoroworo, nokugwedako asi kapi nina kara noutjirwe nkenye. ‘’ Ame kwato woma, ame kwato woma, ame kwato woma. Presidente simpe katente ko kuhamena kugava silinga zika vatere komahoroworo. Age kavatanterere asi mwahatezapo eyi omu rugana nkenye apa kweyi omu gava kombunga zaSWAPO. Tadirukire nye mokugava sirugana kovantu, age katente asi, epangero nare linayerekere yimaliwa yokusika ko N$750 nomuliyuna kositata saVenduka vadike mambo. Age simpe kahundilire vakansela wovape asi vahepa kurugana unene nokugenderera yipo asi yimaliwa oyo yahatengura nampili nakauke apa nazipwa mvhura zeyereko. Presidente katente hena kuhamena yimaliwa eyi vana tura yivatere vadinkantu, nokutanta asi eyi nare yatameka omu tuna kuvatera vadinkantu vana hara nongesefa mwaza sirongo. ‘’ Mokuyipakerera ose kwatura eyereko lyosimaliwa sokusika ko N$257 nomiliyuna ngoso, ava nye nare vagwanenamo mauwa kuna kara 42, vagwana hena nomiliyuna N$42. Ose kuna kuvandindira asi tavatulisapo sirugana sovantu wokusika ko 300. Nokutanta hena asi owo vana gwanenemo mauwa kapi vana kuva sigilira.
‘’ Apa nye nogwana oyo yimaliwa, kapi yina kutanta asi tuna kusigi nye pwanyamoge. Simpe twahepa kukutarera, yimo ana kutanta. Koukanguki, Presidente Katente kayinkondopekere asi ngesi epangero kuna kuranda lyene nomutji kwato kupitira hena momuntu peke. Ano ngesi epangero kuna kukara simpe nonomiliyuna. Ose ngesi tuna pungurako yimaliwa yokusika koN$221 yonomiliyuna nye simpe tatutwikire kuyirugana ngoso. Nokutantera vakurona asi epangero talikafuta yimaliwa yokosure moomu yawapera nsene asi ogo munona vanamutambuara. Ngesi udigu ou wahepa nye kukara wepangero lidiva asi munonma vana mufutire yelitjangeso, neyi yokosure vahepa kuyifuta. Hamutjanga govadinkantu Ephraim Nekongo kageve nage mbudi zokulifana, nokutantera owo kava kerepo asi swapo gahepa kugusa Venduka momawoko gonombunga peke. nokutanta asi siruwo pita twarugene epuko. Ose twapere vantu vepuko noposa douhunga. Nokutanta asi ava vana karamu ngesi kapi varuganesa noprojeka depangero. Epangero lina turapo yimaliwa vadike mambo. Ngesi yimaliwa tayitengura. Simpe tatukahuguvara vantu vangesi? Hawe.
Nekongo kahomokerere vanambudi nokutanta asi awo vatulisapo vanambudi vavene ngovadinkantu vaswapo, morwa ava vakarapo kuzonagura nombudi. Age kahundilire vadinkantu vawize mounzi wawo vakahorowore mahiorowooro gana kuwiza moutatu 26 November 2025, nokukara asi nkenye mahoroworo naga wiza vahepa kukahorowora. Ahe kahundilire vadinkantu asi vahepa kupura nompitisili dawo ndi vahepa kupura epangero. New era page 6, Monday 24 November 2025.