Minista woyeendifo noilonga Veiko Nekundi okwa ti eedoolopa ngaashi Aus, Epukiro, Gibeon Oshikuku, Ongwediva, Aminius, Aroab, Kongola osho yo Kamanjab ota di kala paife dina eenomola dokutulwa keetuwa. 

Okwa yelifa ta ti oshiwana paife otashi dulu okukashangifa eetuwa davo keedoolopa odo ndele tashi pewa eenomola ngaashi naana shi li keedoolopa dimwepo. Minista okwa ti eshi otashi ka tameka moshivike tashi ya keedoolopa da yooloka. 

“Ouministeli wange otau lalakanene okuyandjeneka omayakulo popepi koshiwana opo ku kelelwe ovanhu vaha ende vali oshinano shile,” ta ti. 

Okwa ti ei onghundana iwa molwashi omayakulo oo a yandjwa kehangano lokushangifa eetuwa loNATIS oku li aa yandjanekwa keedoolopa da yooloka noku li popepi noshiwana paife. 

Okwa indila oshiwana opo shi twikile okulongela kumwe novanambele tava longele koNATIS. “Ovanambelewa voNATIS navo na va ya kule nawa oshiwana ngeenge tashi ka konga omakwafo. Eembelewa oda tu lilwa po oshiwana,” ta ti. 

Ovakwashiwana vomodoolopa yaShikuku ova hokolola tava ti ova pandula epangelo eshi ta li yandjaneka omayakulo popepi noshiwana. Ova ti moshitukulwa shaMusati nale okwa li ashike hava ka shangifa eetuwa davo kOkahao ile kOutapi ashike paife ova e telwa omayakulo modoolopa yavo yaShikuku. fhmalwa@nepc.com.na