ǂGARIBEB – Navachab !Huniǀurib Mains, Erongo Reds tsî ǂGaribeb di ǀawemā!nans hân ge ǀhûare hâse 257 omde nē !ās di Usab ǁanǁguib !nâ !nanǀgaiba ge mā tsî nēs !nâ-ū ǂgaoǀkhāsa !oabade khoen tawa ge sī-ū. ǁAnǂgāsaben nē ǁanǁguib din ge gaxu ǁaeba !nanǀgaib ose ge hâ, tsî ûigu âna !gâi tamase tsâǀkhā hâ. 

Nē ǁkhaeǁnâs tawab gere !hoa soab aib ge Navachab mains di Dana Sîenǂuira Mâisab, George Botshiweba ge mî, nē projeks a ûitsama ǁgauǁgaus !khaisa, mâǀhao tsî !khōǁôagub mûmûsa !nuriga a ǂoaxa-ū ǁkhā !khaisa. 

“Mainǂharugub ǁuiba hâb apa xu ǂgaeǂui tsî sîǂuis !aromas ai ǀgui !gao!gaosa tama hâ, xawe ǀhûhâsiga ǁāǁā tsî omkhâis !nâ kai !âsa ra ǀhuru !khaisa. Sida di mâxōǀkhās, !nanǀgaiba ǁnā 257 omdi Usab dide hā-ūbas dis !nâ da ge omdi ǀguide !nâ!nâ tama hâ, xawe da ge ǀhûhâsiga ūkhâi, sâuǁkhāsib !ēde ǁkhowa-amba tsî !gâi !goaxa ǁaeb daoba ra ǁguiǂui,” tib ge ge mî. 

Botshiweb, ai!â ge mîs ge nē projeks ra Namibiab !Naniǁî !Hū!nāsi Omkhâisens ǀAweǁguib (NDP6) tsî Hoa !Hūbaisi ǁAedi Tani!kharuǁkhāsib Omkhâisens ǁgūbadi (SDGs) hâra ra ǂkhâ!nâ !khaisa. ǁKhātib ge mîs ge, Navachab noxopa sao ra !haros !nanǀgaib projeks dis !aroma marisihuiba nî māsa. 

“Sida Navachab di da ge mîǁguiba ge dī, ǂhanub tsî !ā!nāsi ǀawemā!nandi kha da nî sîsenǀhao !khaisa. Khoe-i ge khaos ai ǁnaxūhe tide. 

ǀGapiǀgauxa ǂurusib senters di ǂnuwis tsîn ge ǂGaribeb !nâ !goaxa khâb, ǀHōǂgaeb !nâ nî tsoatsoa-ūhe. Nē senters ǂnuwis ǂgaokhādi di ǀguis ge, tendersa ga !gâi!gâ ǂnûiǂgās nî ǁanǂgāsaben, !gōsase ǂkhamkhoena sîsenga ǂnuwiba !khaisa,” tib ge gere ǀgonǀgon!gao. 

ǂGaribeb di !ā!khōmai-aob, Davy van Wyli ge ge mî, projeks di ǂâibasens !nanǀgaib xa a !nāsa !khaisa. “Usab ǁanǁguiba Omkhâis Projeks di !âubasens khoesiba oahā-ūs, !âubasensa ǂnuwis tsî !gao!gaoba ǂûǂûxa ûib !aroma !gao!hanas ai hâsa. ǂGuro !haros projeks dis ge !gao!gaoba ra ǁgui, ǁnāpas ǀgamǁî !harosa ǁanǂgāsaben nē anǁguib dina ǁāǁās ai nî hâ tsî nēs !nâ-ū ǁî!nāpe omkhâisensa nî ǂgaoǂgao!nâsa,” tib ge ge mî. 

Van Wyki ge nē !nanǀgaiba !khō!oa omn ǀhonkhoena ge ǂgan, in !ereamxasiba ū tsî nē xūna !ûi!gâ tsî nau ǀkhāb ai ǀawemā!nans !ās dis kha sîsenǀhao, nē go dīhe ǁguiride !goaxa surib !aroma ǁkhaubas !gao. 

Minister Itheteb ge Navachab tsî !âǀhuru-aona gangansa ge mā, nē ǀhûhâsib ǁhawode ama kais !aroma. Ministeri ai!â ge mîsa !oan ge noxopa 187 omdi, ǁîdi tsîn a Usab di di tsîna, !goaxa kurib di tsoatsoas !nâ !nanǀgaiba nî hō