Auleria Wakudumo
Omunawino moipambele yomalelo oitukulwa Petrus Ndawedwa okwa ulikwa a ninge omukulunhuwiliki welelo loshitukulwa shaShikoto pakafimbo.
Omupopiliko welelo loshitukulwa shaShikoto Petrus Nehale okwa koleka euliko laNdawedwa.
Nehale okwa holola kutya Ndawedwa okwa ulikwa a ninge omukulunhuwiliki oule weemwedi hamano.
Ndawedwa okwa okwa tambula ko oshinakuwanifwa eshi shipe nokwa tameka nale oilonga mu01 Malitsa 2026.
Okwa didilikwa oshitukulwa shaShikoto sha kala shihe na omukulunhuwiliki sha landula eshi oo ali nale omukunhuwiliki Christella Mwenyo a fiya po oshitukulwa okuya kouministeli weyambule po leedoolopa nomikunda.
Mwenyo okwa didilikwa a fiya po oshitukulwa mo27 Februali 2026.
“Omukulunhuwiliki mukulu okwa li a waimina elelo loshitukulwa shaShikoto onga omupedukulunhu koshikondo shokuninga eemangela deyambule po loshitukulwa mo2017 fiyo ta yelwaayelwa a ninge omukulunhuwiliki woshitukulwa,” Nehale ta hokolola ngaho. Nehale okwa holola kutya Mwenyo okwa longa nelitulemo okuyambula po oshitukulwa shaShikoto.
Oshitukulwa shaShikoto osha ulika yo Teopolina Niiwale a ninge omukulunhuwiliki koshikondo shokuta ovanhu oshoyo koshikondo shoimaliwa.
Niiwale naye okwa kutwa pakafimbo, oule weemwedi hamano.
Ye okwa hovela nale oilonga okudja mu01 Januali 2026 sha landula eshi oo ali nale omukulunhuwiliki koshikondo eshi a Michael Asino a fiya po oilonga mo31 Decemba 2025.