Auleria Wakudumo
Ouministeli wehongo, oungoba, omaudano novanyasha owa dimbuluka efiku lelaka loomeme Olomakaya moshikandjohoololo Guinas moshitukulwa shaShikoto.
Efiku eli ohali dimbulukwa alushe mefiku 21 Febuluali. Efiku lelaka loomeme olali la hanganifa ominghoko nomifyuululwakalo da yooloka.
Ouministeli owa dimbuluka efiku eli oule womafiku avali. Edimbuluko lelaka loomeme ola li pofikola Tsintsabis Combined oshoyo pombelewa yakansela woshikandjohoololo Guinas.
Ovakwashiwana okudja keembinga da yooloka ngaashi: ovaleli vopamufyuululwakalo, ovakulunhu vehongo, ovahongi, ovakwashiwana okudja keembinga da yooloka, ovanafikola ovali va hangana okudimbuluka efiku eli.
Kansela woshikandjohoololo sha Guinas Moses ||Khumub oye a patulula pambelewa edimbuluko lefiku loomeme.
||Khumub okwa holola olupandu kepangelo eshi tali twikile okuyambula po nokukaleka po omifyuululwakalo daNamibia.
Ohandi tumbaleke ominghoko adishe daNamibia molwa elongelo kumwe liwa noukumwe uwa moshilongo.
Omifyuululwakalo da yooloka ngaashi: Ovawambo, Ovayelele tava mwenyeke nomaimbilo oshoyo oidano yopamufyuululwakalo.
Omukulunhu wehongo moshitukulwa shaShikoto Hilma Nuunyango-George okwa holola kutya edimbuluko lefiku eli ola hovela nale mo2022.
Eshi osha ningwa melongelo kumwe nelelo lopamufyuululwakalo laNdonga oshoyo elelo lopamufyuululwakalo Hai//om.
Neudo, efiku otali denge omufindo komufyuululwakalo woKhoekhoegowab okunghonopaleka ominghoko adishe moshilongo.