MoVenduka-Mugendesi mberewa zomahoroworo moNamibia Phillemon Kamine katente asi age kapi ana hamenemo mweyi yokuhoroka nombudi dokuhamena kombunga politika zompe asi vana zitjangese.
Mbunga ezi vana kutumbura asi Rally for Democracy and Progeress kazi zitjangesere komberewa zomahoroworo nye age yiyo kaperepo asi siruwo simpe kapi sina siki asi nombudi edi vadigave kovantu wokulikarera.Mugendesi mahororworo kapatanene asi kwato kapi yina horokako yangoso komberewazendi.Age kapatanene asi ministera gwanare Jesaya Nyama kapi gaturamo mahundiro asi ana hara kutjangesa mbunga politika zompe.Age rwaKanime kwato eyi ana divako.Nye nampili ngoso sayitunga ezi kazigwene nare nombudi asi Kanime katjenge mbapira zize kwaNyamu zokumutantera asi yinke yina piliko kombapira zendi zehundiro.Ano age mbapira ezi kazitjenge nye momazuva 6 gaSiwogedi 2006.
Mombapira omu kwakeremo malikwamo asi ngano ngapi muntu ndi yige norugana nsene ono hara kuturapo mbunga politika zoge zompe.