Auleria Wakudumo

Ngambela wanaha Elijah Ngurare ulatuzi mabulatwi akuli lipatela zasicaba libata kutahisa mizuzu yeketahani yababeleki bamubuso. Naize mulelo wamubuso kikumbweshafaza lisebelo zamakete zabatu kaufela mwanaha Namibia. Likwambuyu naalabela kwalipilaelo zene fitisizwe kimuyemeli wakopano ya Swanu mwaNdu yaMilao Evilastus Kaaronda, yana bilaela hala kuyaha mizuzuz yeketahani mwalipatela zasicaba.

“Kuna ni pilaelo yasicaba yehulile kuli kufumana likalafo sakata mwasipatela kuna nikuitinga famayemo amutu ni masheleñi asweli,” nabulezi. Naize nebabulelezwi kuli kuna ni muzuzu wabatu babutokwa kwalipatela zasicaba. Kono Ngurare nalatuzi likakalezo zeo, mi naize mulelo wamubuso kikumbweshafa mayemo amaketeke mwalipatela zasicaba mwanaha kaufela.

Naize buñata bwalipatelela lisweli kuyandululwa kungelela cwalo ni lipatela zecwale kaKatutura, Windhoek Central, Walvis Bay, Swakopmundu, Keetmanshoop, Onandjokwe ni sipatela sa Rundu. “Kuyandululwa kikalulo yamulelo waubuso ozwelapili kuli lipatela zaluna lihuliswe kulitisa famayemo sakata,” nekubulezi Ngurare.

Nahatelezi kuli hakuna libaka lakuli batu babulele maswe taba yeo nikutisa maikuto afosahezi. “Hakuna bupilo bwabutokwa kufita bobuñwi. Mayemo apabalelo yefiwa mwalibaka zamatakanyani, zeswanasina Okangwati, aswanela kuswana niafiwa mwaWindoko,” nabulezi. Nasusuelize mabihi bamakande kutokomela kusafa lipiho zabuhata hala milelo yamubuso. Mubuso notahisize pono Lungu 2026, yelela kuli baetapili mwamubuso basebelise lipatela zasicaba. Taba yeo netisizwe kiMueteleli wanaha Namibia Netumbo Nandi-Ndaitwah mi nekalile la 1 Lungu 2026.