Auleria Wakudumo
Ndango zodoropa zaOpuwo nekwatakano lyombunga zaNational Housing Enterprise kuna kukadika mambo gava avagwana nzambi zonunu ntani ava ava gwana pokatji ngoso. Eyi kuna kuyigazara asi nayikagusapo ndi kuwapukurura vantu vagwane mambo ntani eparu lyawo lyomodoropa.
Elikwamo lyopaveta omu vana kukanyatera malizuvho pokatj i konombunga edi mbali opo kavayapongere modoropa zaOndangwa momukunda Oshana. Mukurona pamberewa zaNHE Gisbertus Mukulu katente asi epangero naligava yimaliwa eyi yize ko NHE yipo vadike mambo aga gava avagwana nsonso zonunu ntani wopokatji. ‘’ Ezi kuna kara nye nzapo zepangero,’’ ava navagavako simaliwa kelikwamo lyangesi,’’ yimo ana kutanta Mukulu. Age simpe kuna kuyinkopeka asi mambo aga adike NHE kugadika negano asi vahepa kugaranda ava vana gahepa ntani wokutambura nzambi zosesu. Luna kara asi mambo aga kutameka po N$90 000. Ano embo lyonzugo ndi nkondwa zimwe lyahepa kupura yimaliwa yokusika ko N$120 000 ano embo nye lyononbkondwa ntatu ndi mbali kupura nye silinga zokusika ko N$220 000 ntani N$250 000, yimo ana kutanta.
Age kahundilire ndango zodoropa zaOpuwo asi vahepa kugava evhu eli negano lyokuvatera vantu vawo mokuvafutisa evhu kondando vanakufutako nawo, yipo etungo litameke kwahana matangayi. Mukurona pamberewa gondango zodoropa zaOpiuwo Matjandara Katurota kageve ruguho rwendi kowo vana kuza momalizuvho mokudika mambo.
Katurota katente asi ndango zaOpuwo zina liwapayikire mokuruganena kumwe naNHE morwa yina kara asi vana pumbwa mambo gomanzi pangenderera moOpuwo, omu vana kara asi wokugwana nzambi sonsesu navawpokatji vana pumbwa unene mambo aga.
–Wakudumoauleria@gmail.com.na