Oshakati – wokutura marutjeno pwahana asi paveta nonometa kuna kara asi magano gomadona unene vanakuruganesa vatungimo kwaNorthern electricity distributor (Nored) unene komavango vatjangurura asi gokutunga. 

Eyi kayitente muhuyungilipo gokampani Simon Lukas momapuragero kumwe naNampa omu vana gwana simwe sinkwantani sokuruganesa komarutjeno. Token Identifier (TID) projeka. 

Age katente asi kowo wokusika ko 520 yimbangu yorutjeno moyo yokusika ko 140 000 kwayigwana asi kapi yagenda monaruwandi kwayiturapo pwahana asi paveta omu yina kara asi 80% kwakara koamrukanda aga vatura paveta asi gokutunga. 

Simwe kavageve asi yiyo yakuvaninkisa vature marutjno pwavene ndi pwahana asi paveta morwa elikwamo lyokutura marutjeno kukwata siruwo, unene komarukanda aga vatura paveta asi gokutunga, yimo ana kutanta Lukas. 

Age simpe katente asi owo vana kurugana sirugana sangoso kuna kutanta hena asi rutjeno ndiro, yiponye asi mokurugana ufuki hansa mbiliha ntani kugwana rutjeno usimbu. 

Lukas katente hena asi vantu vana pumbwa mapukururo kuhamena siponga mokutura rutjeno pwahana asi paveta eyi yina kuninkisa hena asi ndiro unene mokulihamesera melikwamo lyangesi lyahana asi lyopaveta, kuzonagura matungo, ntani siponga unene kovarugani vaNored ava ava tura marutjeno. 

Kutura marutjeno pwahana asi paveta, kwayigwana kumwe meruganeno kumwe omu katuzire kumwe novanamberewa tutare asi ngapi vana kuruganesa vantu rutjeno. 

Mokutara nometer, mokuruganena kumwe novaporosi mokutulisapo mapongo nonkarapamwe. 

Nored kuna kumanamo asi gahepa kutulisa yigongi kumwe nonkarapamwe mokuronga vatungimo asi yinke ayikahoroka nsene ono rugana epuko moruganesa rutjeno. -Nampa