Taimi Hiahambo 

Omupresidente waNamibia Dr. Netumbo Nandi-Ndaitwah okwa ka kufa ombinga medimbuluko lekondjelo manguluko laAngola eti 50, olo li liko nena moshilando pangelo shaAngola Luanda. 

Eshi okwe shininga konima eshi atuminwa eshiivo lonomena wina komupresidente waAngola João Lourenço, onga mushiinda shaye, vaka tyapule pamwe. 

Namibia na Angola ovena oukame wakola, oku dja ashike pefimbo lekondjelo manguluko fiyo onena. 

Oukaume nekwatafano liwa pokati kaNamibia naAngola nona ouli tau dana onghandangala moinima ihapu unene ngeenge tashiya pouhaku, ehongo, ounangeshefa nai kwao ihapu ya wedwapo. 

Nena ngeenge owa talelepo odoolopa yaShikango, oyo ili imwe yomeedolopa edi dili oushiinda naAngola, opo ashike to mono ekwatafano li wa pokati koilongo ivali. 

Odoolopa yaShikango oyo imwe ei hakala ihadi ovakalimo vaAngola tava shingifa oushike pengeyo vavo vayooloka, mwa kwatelwa omahooli. 

Natango ngeenge omunhu owai moAngola, unene meedolopa ngaashi Luanda, oto hangemo onduba yovanamibia veya oku teka eestoka davo, vadule oku kalandifa moNamibbia. 

Minista woimaliwa nomaliko oshilongo Ericah Shafudah okwa ti ovakalimo vaAngola ova tameka nale oku pewa omikanda opo vadule oku kala tava ngeshefele moNamibia vamanguluka. 

“Ina tu hala vali ovanhu vatya ashike oiyaxa tava fadukapo opolifi modoolpa shashi otava landifa shiheli paveta,” ta ti. 

Kedimbuluko lekondjelo manguluko Nandi – Ndaitwah okwa teelelika aka holoke nomushamane wotete woshilongo Denga Ndaitwah, oshoyo oilyo imwe inene natango yepangelo laNamibia. 

taimihaihambo2000@gmail.com