Kavivetererue Virere
Mbapira zompe zina kara nedina lyazo asi; mpitisili ogu na pitakana una politika; kuna kutjangurura eparu noumpitisili waPresidente gokuhova gomukadi Netumbo Nandi- Ndaitwah. Matjangwa aga kuna kara nye asi kuna kusimwitira eparu lyendi kutunda omu gakere asi muntu tupu momukunda Onamutai kutwara nye mokukondjera sirongo ano ngesi kuna kuyapangera nye sirongo nasinye, membo lyepangero ngesi ana kara.
Mbapira ezi kuna kara noyitumbura yomulyo unene, pamasanseko ntani kureta ehandu, omu nye eperu lyendi galitulire asi Namibia gahepa kugwana emanguruko, ekuliko ntani kuwapukurura eparu lyovakadi. Sihorokwa sangesi kasikarere ko Ster -Kinekor,Grove Mall moune una puko komasiku, omu Presidente Netumbo Nandi-Ndaitwaha gawizire kumwe naPresidente gosirongo saBotswana Duma Gideon Boko, ntani novanekoro, vaholi ntani vantu wokulisiga siga mwaza sirongo.
Mukurona gepangero katente asi age apa lyatamekere elikwamo lyangesi mo 2022, age kapi gayihaferere.
Age kuna kutanta asi ngesi kuna kuomona eparu lyendi nalinye omu lina kara pomafano vana kulikida. ‘’ Ame kapi ana rugana yirugana yikare asi yanayamwange. Ame kuyiruganena eyi morwa vantu vakwetu. Eyi yina kara mulyo kuna kumoneka asi matjangwa aga kuna kara govaNamibia omu vakondjerere sirongo sawo simanguruke, eyi yina kuninkisange nikare noruhafo. Makura awo ngesi navavapa nayinye vana kupumbwa varugane momunene, yimo ngoso ana kutanta.
Nandi-Ndaitwah katente asi filima ezi kuna kulikida asi ngapi vakere vadinkantu vaNamibia apa vatokwere asi tavakalipakerera novakwawo vakondjere sirongo esi, eyi yakere asi kwavagumine. ‘’ Ose kwakere tuna liwapayikire asi kufa tupu, yipo tuyamangurure sirongo setu.
Ame nina hafa pokumona momafano asi ngapi twagenda, nomuvayifaneka yimo ana kuhuyunga ngoso Presidente. Age katente asi kuvatera nye matwaromo aga tuna kutulisapo, yina kara asi paepatru ntani ekoliko ekonomi. ‘’ Ose natuvenye kutarera kowo avatulisapo Yuma, moomu tupu atuyirugana konondima.
Eyi kutanetra uzuni kuhamena sirongo setu, omu twakara nomagano gokulisiga siga nokuretesapo yirugana,’’ yimo ana kutanta. Presidente kafatwilire nye asi ngapi yina kara yirugana eyi younkurungu, omu ana kuyimona age kuna hara asi sirongo sendi sahepa kukara nonofilima davene dokufaneka. ‘’ Namibia kuvhura kukara evangio eli natukara nalyo lina kutulisapo yininke yanyamwetu, omu natulikida mpo zetu ntani masanseko getu ponze zosirongo nsene asi tuturamo yimaliwa moruha oru rwangesi. Muswamane gaPresidente Lieutenant General (Rtd) Epharas Denga Ndaitwah katente asi kasikere siruwo sosidigu unene esi.
Masanseko ngesi kuna kugatjanga nye. Kapisi nkenye apa asi kugazara kusigako eyi navadiworoka vantu, nye wahepa kusigako eyi navakudiworokera eyi varugana. Yimo ana kutanta, age kayitjangwilire asi eyi kuna kara yinatugumu unene, yina yasiki dogoro vamumone asi kuna kumuganesa mo 21 Nsinano. Mafano aga kwagarugana film zaJoe Vision Production House omu nye varuganena kumwe noMulti Choice, ngavazigava nye kovantu navenye mokiuzitara mo 29 Sikukutu 2025.
-Fazzyvirere2@gmail.com