Charles Ndeumane

Presidentegona Netumbo Nandi Ndaitwah kageve marondoro asi nsene kapi tuna kuyikeverera, yininke yahana asi yousili tayiretesapo udwa makura tugava yirugana yahana udumba. Mweyi, Nandi -Ndaitwah, ogu vana diva sinkwa ntani asi NNN, katente asi ana kara nosinka unene morwa yeyi yina kuhoroka ekuliko monompitisili detu domungura. 

Nampili ngomu yina kara asi tuna yidiva sitambo so AI mekuliko, nye kuna kara noudigu kweyi yina kuhoroka morwa vantu kapi vana kuruganesa mauruvi gawo vagwane malimbururo makura awo yipo vana kudukira koAI asi vagwane ureru ekoho nono. 

‘’ Ame kapi nina kara noudigu kuhamena unkurungu, nye nina kara noudigu pwantani nsene ohundira muntu mudinkantu akutjangere sihuyungwa, kuhamena Namibia naTanzania asi ayitjange monominute dongandi, sihuyungwa sangoso nare posili. Pwantani nye, mokuhuyunga usili, tuna hara kutanta asi yiwo vantu tuna hara posiruwo nye esi tuna kara ngesi, tupopere muzangu gwetu/ yimo ana kupura. Nandi- Ndaitwah katente asi eruganeno kumwe eli lina karapo ngesi mo AI elihameseromo lyange pokatji morwa udemokoli yipo nani tamekera. Kuna kumoneka asi komeho oko kuvhura tuka kare nomahoroworo twahana kudiva asi wolye vana kuligendesa woowo wokupira kudivilisa vatu pe hena yitundwamo yehoroworo yahana divilisa. Kupi tuna yuka ngovatungimo womoyirongo yaAfrika? Yousili nose kumwe tuna kara nononkambadaro edi dina karapo? Nandi- Ndaitwah katumbwire nonkango odo dangoso apa nye kakahuyungisire vagolikadi ndi mbunga zaPan African Women Organisation epongo kavakere nalyo lyenene moVenduka sinkwa ntani. -mrndeumaneraycharles@gmail.com