Taimi Haihambo

Omupresidente Netumbo Nandi-Ndaitwah okwa teelelika a ka nangeke omauliko opaipindi aHelao Nafidi mefiku 1 Novemba, koshitukulwa shaHangwena.

Mayola wodoolopa yaHelao Nafidi Darius Shaalukeni okwa ti efiku olo omivelo otadi ka pitwa oshali fiyo okonguloshi, nokape na ou ta ka yandja nande odola, kutya nee oihauto.

Omauliko oipindi oo a tameka onghela okwa teelelika a ka xule mOsoondaxa mu 2 Novemba.

Shaalukeni okwa ti otaku ka kala ku na omakwafo taa etwa popepi novanhu okudja komandiki ilili nokulili ngaashi ouministeli woikwameni, omatembu eameno nepopilo loshiwana, op ova kwafele oshiwana okumona omaufemba noupu.

Okwa twikila kutya neudo ova yakula eefooloma da koya po 95 dovanangeshefa vomangeshefelo opedu va hala okukufa ombinga mokulandifa, osho yo eembelewa neeministeli da yoloka.

Omauliko oipindi neudo otaa ka ningwa ashike oule womafiku atatu.

Eshi vati osha ningilwa molwoshimaliwa eshi elelo doolopa hali longifa okufuta oinima ngaashi olusheno nomeva hashi kala shihapu okuyelekanifa noyuyeemo.

-taimihaihambo2000@gmail.com