Michael Madhimba 

Epukiro- Evango eli vatura asi lyokutunga paveta Epukiro post 3 momukunda horowero gwaOmaheke sinkwa ntani kuna gugumu nye emwauko lyonomwe, morwa kukara nye nomema gokunyata gana sikama tupu pevango limwe. 

Vatungimo momuknda ogo kuna kugava nye runyegenyo rwawo koukangukiouvanakugwananseneasi udigu wangesi kapi vana kuugusapo. Mokukumbururako, kambunga kadivako Yuma kavatumine sivike sina puko vakatare asi yinke yokuvhura kuruganako. Gumwe gowo ana kara mombunga ozo zokukona kona malaria, Dalton Doeseb, katente asi eyi yina kuretesapo nomwe ngesi morwa mema aga gokupira kupupa kwasikama tupu, unene gakara nye mevango lyokuzugumina yihando. ‘’Ekona kono lyetu, kuna kutanta asi pomba zateka, makura yiyo nye zina kuninkisa mema gasikame tupu, makura yiyo nye yina kuninkisa nomwe dikare dina vhuka, ‘’ yimo ana kutanta. 

Age simpe kuna kuhundira asi pana pumbwa eruganeno kumwe omu navatara asi kurugana ngapi, nokudidilika asi pomba ozo zina zonauka kwakara asi zoministeli zoyirugana nougendero. Mbunga ezi zokukandana malaria kuna kuturapo magano gokomeho omu navakandana nomwe omu navaza nye ngesi vana pombere momambo. Ano ekeverero talitwikire moyivike oyo yina kuwiza omu navakeverera asi udigu ou ukare tavaukeverere. Mukurona gonsitwe momukunda gwaOmaheke, Elvis Uasora kayinkondopekere nage asi yousili nomwe kuna vhuka momukunda ogu. ‘’ Egano lyokukeverera malaria momukunda Omaheke unene awo kukwama eyi vana rapotako. Dogoro ngesi ose kuna kara noyirapota yokusika ko 57 yomalaria eyi yina kara asi vana kayisikisa kosipangero setu momukunda horowero nagunye, muna hamene nye nomavango gopaumwene gokugava uhaku,’’ yimo ana kutanta ngoso. 

Uasora kagwedereko as i nomukunda mbali dakara momukundahorowero Epukiro, Otjimanangombe ntani Okozondje, kuna kara nomukunda mbali dinagwana mvhura mvhura makura yiyo nye vanagwana ndi nomwe dina gwana uturo. Mbunga ezi zokukona kona malaria navakeverera masiku nomutenya, nosure edi navadimburura edi nadikara asi mavango oku navatundilira vakarugane.