Opolisi moshitopowa shaMusati oyi li metifa okukonakona nkene ohanona yomimvo mbali ya si oshipwininika pethimbo ya li ya lala nayina.
Sha ikolelela kuuyelele wa gandjwa komukuluntu gwopolisi moshitopolwa shaMusati, Ismael Basson oshiningwanima shoka osha holoka oshiwike sha zi ko momukunda Eenghundi mokshikandjohogololo Oshikuku.
Otaku hokololwa kutya ohanona ndjoka okwa li ya dhimbuluwa kuyina sho kwa li a penduka mokati kuusiku a yamuthe, ihe kakwa li tayi inyenge yo itayi fudha.
Basson ta ti omakonaakono gopetameko itaga ulike okahanona hoka ka si oshipwininika.
Iiwike ya zi ko natango opolisi moshitopolwa shaMusati oya lopota ohanona yomwedhi ya sile mondhikwa yayina.
Omakanitho goomwenyo kaanona taya si pethimbo ye li mesiloshimpwiyu lyooyina oga kala nokulopotwa miitopolwa ya yooloka.
Omugandji gomauyelele gwopolisi moshitopolwa shaShana Thomas Aiyambo oomwedhi dha piti okwa li a lopota ohanona ya tseyika nedhina Justine Tulipoima Kadhikwa ya hulitha pethimbo ya li ya kotha.
Oshiningwanima shoka osha li sha holoka molukanda Uupindi mOshakati.
Otaku hokololwa kutya ohanona ndjoka nayo okwa li ya lala pamwe nayina.
-vkaapanda@nepc.com.na