Onganda osekirise yovayenda yotjiwaṋa mOmatjete mai tutumunwa kokutja i vatere okutunduuza ombwiko nomamemeno woviungura.

Indji iimwe yozongwizikiro ndja yandjwa i yongooneya ya Rongo, Nathalia /Goagosesa, eye nguri ongooneya ombe yorokondwa indi mehungi re etenga motjihavero ihi. /Goagosesa, ngwa senine otjOministera yOkehi yOmahongero wOkombanda okuza kohoromende yomuyaruke Hage Geingoba ngandu ku ngwe mu pingena kombundo’nḓiro ye mo 2025, Nangolo Mbumba, kamuyenda morukondwa rwa Rongo. Tjinga oruveze rumwe ndo aari otjiuru otjipitise motjirata. Oritjavari /Goagosesa otja yandjere ehungi re etenga ohunga nombendukiro yorukondwa kutja omombwiko poo ombwiro yovature varo. Eye wa teterere imbi ombura ndja zuko mbya ungurirwe morokondwa i ingwi eye nai ngwa pingene, Neville Andre Itope. Ama tja ombango ma yandja kouhepe woviungura mburi momitanda; ongwizikiro yomeva; omuano wokutja ovakwatera ve parukire mozomburo zombutiro na vyarwe. Tjimwe tjavyo tjeri okupwisa ondjira yopokati ka Tjandjomboimue na Tjizingue. 

Mbya tamunine mehungi re tji kwe ya komekurisiro wa Matjete omuriu womeva okuza kOzonḓati okuyenda kOmatjete ape womukato ozokirometa o-24 owo nai mbwa manuka orupa indo rutenga nu nai mbu mau vasisa omeva ape kovandu o-6000 mOmatjete nongondoroka natjo. Tjarwe omiriu vyomeva wombonḓi mOtjizingue mbi mavi vatere ovanazondjuwo ape o-63. Tjarwe ovaṱuta mOkarukondwa kOmatoororero ka Tjandjomboimue mba vaterwa ourumbu nozongombo otukoze ozo nḓe tjinda ourumbu, o-80. 

Tjarwe ovandu va vaterwa nozondwi ozombwise zovikunwa tji va vaterwa nehi rozoheketara ndano ngandu ku hambombari okuroreramo ozondwi inḓa mOkombahe na Tjizingue. 

Mu imbyo mbi rira ongendo kovandu va Matjete na Tjizingue ozondjira ozombi na wina okuhina orutjeno posi ya /Goagosesa kanaa wa raisire kutja ozoresevate inḓa mombii ndji maze vaterwa vi