Olutu lOmukokolipresidende Sam Nujoma otali twalwa koitukulwa iheyali nelalakano lokuyandja omhito koshiwana shi yandje efimaneko lasho laxuuninwa.
Nujoma (95) okwa xulifa momafiku 8 omwedi ou koshipangelo shopaumwene koWindhoek.
Ota fudikwa mefiku 1 Marsa komaendo omapendafule oHeroes Acre koWindhoek.
Hamushanga wokabinete George Simata okwa popya ta ti olutu lOmukokolipresidente tete otali twalwa Etine keumbo lavo komukunda Etunda koshitukulwa shaMusati.
Okwa ti momafiku 21, olutu laNujoma otali twalwa kOshakati omo oshiwana tashi di koitukulwa ngaashi Ohangwena, Oshikoto, Omusati nOshana shi holoke.
Omafiku 22 Nujoma ota ka ningilwa oshivilodimbuluko koshitukulwa shaKavango East, kodoolopa yaRundu.
Omafiku 23 otaku ka ningwa oshivilodimbuluko koshitukulwa shaZambezi kodoolopa yaKatima Mulilo, nokudja opo omafiku 24 olutu laye ota li twalwa koshitukulwa shaOtjozondjupa.
Omafiku 25 natango otaku ka ningwa oshivilodimbuluko koshitukulwa Erongo, modoolopa yaWalvis Bay.
Oshovilodimbuluko shopashitukulwa shaxuuninwa shaNujoma otashi ka ningwa kodoolopa yaKeetmanshoops koshitukulwa shaKaras.