Olutu lomukainhu ina shivika ole li tuwa moixwa eshi la ninga nai Osoondaxa efimbo lokomatango potundi 18h00 momukunda Omushii moshitukulwa shamusati.
Komufala wopolifi moshitukulwa shaMusati Commissioner Titus Shikongo okwa hokolola ta ti olutu lomukainhu ola hangika ina li djala sha komulumenhu eshi kwa li talifa eendongi daye moixwa.
Opolifi oya ti omukainhu ota fekelwa eli peedula 20 ile 30, oikutu ya hangika ponhele opo ombelukweva ilaula, eenghaku dilaula donomola onhi-nhano, yee vati okuna ofika yo pokati.
Opolifi oya hokolola tai ti omukainhu keimba okuna okukala a longelwa oilonga youshada yokukwatwa onghonga ndele tadi pawa konima eshi omufekelwa aya nale moixulo.
Kapena ouyelele fiyo opapa uli kombinga yefyo lomukainhu ou, yee novakwapata vaye ina va monika natango.
Olutu laye ola twalwa kokila yopolifi poKahao opo li ka ningilwe omakonakono.
Opolifi oya ti omakonakono otaa twikile.
Opolifi otai indile moshiwana kwau eshi ovakwapata ile ookahewa vomukainhu ou opo va kwatafane nopolifi diva keenola 0814554445 Chief Inpector Mwanyangapo ile 0812453825 Sergeant Kashinyenga ile oshiwana shi potele keshe opolifi ili popepi.
– fhamalwa@nepc.com.na