Auleria Wakudumo 

Omanyakwa oomeme mokudana okatanga kokeemhadi otaa ka ya mondabo mexuuliloshivike okudana olixa yavo hai ifanwa oFNB Women’s Super League. Oudano otau ka tukulwa meengudu da yooloka, ongudu yopondingaadinga, yokonooli, nokoushilo woshilongo. 

Ongudu yopondingaadinga yoshilongo oshoyo yokoushilo otai ka danenwa moWindhoek mokapale koIndependence, omanga ongudu yokonooli tai ka danena mokapale kape haka ifanwa oSeverin Kambonde Gabriel Ashivudhi momukunda Oniimwandi moshitukulwa shaShana. 

Omudeuli ta kwafele ongudu yo Spitting Cobras, Simson Paulus okwa holola kutya ovadani vahapu oveli momakonakono, onghene vamwe itava kufa ombinga medingonoko eli. 

“Nande ongaho, katu nan ghee notu na ashike oku ya novadani ava veli po opo tu dule okukufa ombinga manga ina tu toolwa oitwa,” Paulus ta holola ngaho. 

Paulus okwa holola kutya nande va taalelwa komashongo a tya ngaho, ova hala okuvena opo va yelwaayelwe mongudu yavo. 

“Ohatu tale eshi tashi ka enda. Nande otashi pula tu dane novadanitanga omuwoi mokapale, otuna ashike okudana,” Paulus ta holola nomukumo. Eengudu tadi ka danena moIndependence Stadium ongaashi: Golden Mission noFlying Eagles po09hoo, Aroab Football Academy noDesert Foxes po11h00, Desrt Foxes noGolden Mission po15h00 oshoyo oFlying Eagles noAroab Football Academy po17h00. 

Mosoondaxa, mokapale kaIndependence otamu ka danenwa koGolden Mission noAroab Football Academy, Desrt Foxes noFlying Eagles. 

Omanga mOlomakaya monooli, Green Side Queens noSpitting Cobras Ladies tava ka patulula okapale po09h00, Kasivi Pride noMighty Eagles po11h00, King Nehale Queens noGreen Sides Queens po13h00. 

Taku shikula oSpitting Cobras Ladies noKasivi Pride po15h00, Mighty Eagles noKing Nehale Queens po17h00. 

Eedona otadi twikile vali mOsoondaxa, omo Green Side Queens tava kay a mondabo noKasivi Pride po09h00, Spitting Cobras Ladies noMighty Eagles po11h00, Kasivi Pride noKing Nehale Queens po13h00, Mighty Eagles noGreen Side Queens po15h00, King Nehale Queens noSpitting Cobras Ladies po17h00.