Omarandisiro mEpukiro ngunda nai yapata nganduu kondjiviro yarue.
Umue wovanane vo Eastern Epukiro Farmers Association, ousupi Oeefa, Kauetu Murangi wa tjivisa nao komurari wotungovi worutu indui. Kombunda yaindu Orupa Rouveruke wOvinamuinyo tji rua tjivisire nao mena romutjise wozomburu mbu ye rurukira ko mEpukiro na Eiseba. Nganduu kombunda omayuva omurongo narimue okuza kotjirongo otjiseinina tji tja yendua morukosi romayendero iyohoromende. Orupa rOuveruke tji ma ru tara mongaro ndjiripo na ruyeta omatjivisiro warue,
Orupa rouveruke wovinamuinyo rua huhununine omanyinganyingiro mOeiseba na Pukiro mOmaheke okuza kOritjavari ndazuko mena romayerurukiro womutjise wozomburu. Onganga yovinamunyo mozondendera, Seuakouje Veii, mehungi kunOnampa matja kamatjaerero okuura posiya omukambo woku tjevera omutjise imbui. “Omutjise wozomburu mEpukiro wari kehi tjinene nunguari po siya auyeruruka navi kombunda yo ma yorukosi romayandjero womata. Ihi yari otjikumise, nu tua yakurire ozongoze okuza kovaṱuta ovengi mbu ma ve tutjisa ouvere wozongombe,” Vei matja.
Mena romayerurukiro wawo omarandisiro ngari ama yekarako Oritjatatu ndazuko yaisakerue. “Katuna omuano warue pendje no ma tjayerero wo manyinganyingiro wovipuka. Oruveze omarandisiro puyari ama yekara omeṋe yovirongo mbya mbyaṱunua Okomumbonde, Ovinjuru, Ongootura na vyarue ovingi popezu No Posa o-3,” matja. Naweza kutja kutja otuveze otungi tuangurua morukosi romata notuveze tuvari uriri mEpukiro ngunda out matuhepa oku karyangerua. Nerihekene kovatuta okutonena omberoo ye ongoze tji va munu omutjise imbui tjinga omata ngunda apuyeri. Moeiseba, Veii matja kamungi nunguari ozongombe nḓenawo zeri ryangera. “Tua yendekera ozongombe ozengi ndehina outenda womomatui ama zekondo ozondjira nu wina ozeu okuteza oveni vazo. Inga itjiva womauzeu ngutumuna muno mOeiseba,” matja. Oeiseba ngunda movirongo ozongombe mu za muna omata kari ya rapota omutjise imbui naumue po siya mu imbi mu ze hiyamuna omata mu rapotua mondondo yokombanda. “Ngunda oputuri imbo nu ma tu ningire omaunguriro wa kumue okuza kovatuta tu ṱune ongari indji pamue.
Matukondjo oku ṱizira omutjise mondiero no ma tjayerero omondero yaavehe,” Veii matja. Nu wina arakiza otjiwaṋa atjihari onyama yotjipuka tji tjaṱu omutjise wozomburu.
“Omazeva ngeripo oruze indui mayeso oku kongorerua nganduu ongaro tjiyapu,” matja.