Abraham Mwanyekange
Ovanyasha ovaNamibia veli popepi nodoolopa osho yo veli pomidingonoko dopopepi no Grootfontein, ota veli longekidile omauliko iipindi, Otjiwanda 2026.
Omauliko ohaa kala a tala kenghonopaleko lovanyasha.
Omauliko okuli ko mo29 Apilili fiyo atatu aMei pokapale komaudano kOmulunga.
Epatululo pambelewa omomafiku 30 Apilili. Omupopi afimana pepatululo lomauliko oipindi Otjiwanda omupedu minista wehongo, omaudano, ovanyasha nomaungoba, Dino Balloti. Omauliko okwatamekwa po mo2018 konima eshi ovaunganeki va mona ovanyasha vahapu tava kanifa ondjila ya yuka omanga va uka mekano. Okudja opo ova tokola okutota po oshiindingili shomalandifilo opo ovanyasha va dule okulandifa, okuulika oitalendi nokulilonga nghene tava dulu okuulika eengeshefa davo.
Nelalakano limwe lakula, okukaleka ovanyasha kokule neendingosho.
Haihambo Pablo Benjameni oshilyo shokangudu okaunganeki komaulikilo oipindi okwa ti keshe kodula ohava yakula omaindilo mahapu ovanhu vahala okungeshefa.
“Otu wete kutya ovanhu ohava landifa nawa nohavamono ovenisa ya wana nawa, naasho ohatu shi mono komwaalu waavo hava hadeke opo veuye valandife pefimbo lomangeshefelo oipindi yetu,’ ta ti.
Okwa wedako ta ti ohava ufana ovashikingalo ovanamibia vamwenyeke.
“Mo paife kapena omushikingalo waNamibia inamwenyeka mo momaulikilo oipindi yOtjiwanda. Aveshe otwe vapa eemito nelalakano opo ngaho vamonesha navo vadule okutula omboloto poshiitaafula,” ta ti.
Okwa ti omauliko oipindi okwa yandja eemito doilonga kovanyasha va hapu.
Ovashikingalo ovo tava kamwenyeka neudo ongashi, My Nigger Get Rich, Latoya Stella, Kastyle Ndonga Boy, Stakes Boy, Exit Rockaz, Kapolodja Kamanda, Money Mike, Kalux, Zella Fullforce navakwao vahapu. Nonande ta ti ounyuni aushe oko haukala. Ovena eshongo lakula okudja omido dakalupuka.
“Katuna sha omukwashilipaleki fiyo okonena. Ofye ashike vene hatu li dipaelepo ngeenge tashiya poikwatelwa yokupulifa komesho omauliko oipindi aa. Elalakano okunghonopaleka ovanyasha vakwetu,” Benjameni ta ti.
Okwa indila kwaavo tava dulu okuvayambidide opo ve akwatafane newiliko pefimbo lomaulikilo.
amwanyekange@nepc.com.na