Oukadona ava veli shangifa mekufombinga lokakadona dingi oko kashiivika nawa onga Miss Namibia osho yo Miss Teens Namibia, ova teelelwa vaka kufe ombinga momafiyafano oukadona omulongo, oo taa ka kala ko koWindhoek. 

Omukwateli nomunganeki womafiyafano aa Biola Beukes okwa ti momafiku 8 Mei otaku ka kala omafiyafano momahoololo oukadona omulongo vaMiss Teen Namibia omanga mo 09 Mei, taku ka kala omafiyafano oukadona omulongo vaMiss Namibia. 

“Oukadona omulongo ava tava kahoololwa meengudu mbali domafiyafano aa otava ka kufa ombinga momafiyafano axuuninwa okakadona dingi,” ta ti. 

Okwa twikila kutya moule weemwedi daka pita oukadona ova kala nokuli deula, osho yo okuulika oitalendi yavo momikalo dayooloka. 

“Vamwe ova kala nokuli hava ka talela po omaumbo ovakulupe noku wapaleka osho yo okuninga omafiku navo, omanga vakwao va kala noku talela po ounona voukwanaluhepo,” ta ti. Ashike nande ongaho Beukes okwa ti ova kala veli pyakidila ngaha, natango ovena okuya momafiyafano axuuninwa. 

Okwa yelifa yoo kutya omafiyafano axuuninwa okwa teelelika aka ningilwe koGobabis, ashike omwedi nomafiku ina tumbulwa. 

Taimihaihambo2000@gmail.com