ONHUNO – Loide Shilomboleni omukalimo womomukunda Omungwelume okwa ti opolifi oya dipaa omonamati waye ehe na eshi a ninga.

“Fiyo opapa inatu lombwelwa kopolifi kutya omolwashike ya dipaa okaana kange,” ta ti.

Omushingi weloli weedula 38, Shilongo Malakia okwa yashwa nondjebo fiyo omefyo komupolifi Osoondaxa efimbo loufiku keinda lopolifi kOnhuno koshitukulwa shaHangwena.

Otaku hokololwa kutya Malakia okwa li tava di kOshikango nomulumenhu mukwao ou vali naye mololi ya humbata eeshako doilya.

Opolifi oya hokolola tai ti omulumenhu mukwao okwa ya kombelewa yopolifi i li pOnhuno a twala omikanda dololi.

Otaku hokololwa kutya omulumenhu mukwao eshi a shuna kolololi okwa hanga Malakia a xulifa e li mololi.

Otaku hokololwa kutya vati omupolifi okwa umba ondjebo lwoikando iheyali.

Ovakwashiwana ova kumwifwa koshiningwanima eshi shopolifi tai yashe ovanhu.

Ina yaMalakia okwa ti paife okwa shaala po ashike nokaana kamwe kokakadona.

“Omumati wange okwa li omulumenhu omunambili e hole okuyambidida mofamili,” ta ti.

Okwa pula kakukutu kopolifi Inspector General Joseph Shikongo opo a kale a ya mo eenyala moshikumungu.

Ovashiinda ova hokolola Malakia ongomulumenhu e na omikalo diwa nokuhole okuyambidida poushiinda.

Omakonakono opolifi otaa twikile moshikumungu omu.

-fhamalwa@nepc.com.na