Omukainhu weedula 26 omukwashiwana Omuangola okwa kwatwa po eshi vati a kwata po ombambyona okaana kodula imwe ndele ta fadukapo na ko.
Oshiningwanima osha ningwa modoolopa yOkahao efimbo lokomatango moshitukulwa shaMusati.
Omukulunhu wopolifi moshitukulwa shaMusati, Commissioner Ismael Basson okwa koleka oshiningwanima eshi.
Opolifi oya hokolola tai ti ina yokaana weedula 19 ou e li naye omukwashiwana Omuangola, ova shakena mOkahao nomufekelwa ou.
Otaku hokololwa kutya ina yokaana okwa lombwela omufekelwa kutya ota ka landula onghaku yokaana kaye ya kana pefimbo kwa li ke li modikwa.
Opolifi oya hokolola tai ti ovakainhu avo ove li pa eenomola deengodi.
Omufekelwa okwa fiwa e li nokaana ka mukwao omanga a landula onghatu yomonamati.
Otaku hokololwa kutya ina yokaana eshi a luka okwa dengela omufekelwa te mu pula kutya ove li peni.
Omufekelwa okwa nyamukula kutya ove li mondjila va uka keumbo lavo.
Opolifi oya koleka tai ti okudja opo omufekelwa okwa dima ongodi yaye.
Nakudala okaana okwa lopotela opolifi ndele tava landula eemadi domufekelwa ou.
Efiku tuu olo, omufekelwa okwa hangika e li nokaana keumbo lavo komukunda Omapopo moshitukulwa shaShana.
Omufekelwa ota hokoloka nena momhangu yaKahao.
Ota pangulilwa oshibofa shekwatepo ombambyana younona.
Opolifi oya kumaida oomeme opo va kotokele ounona vavo molwaashi ounona paife ova ninga oihakanwa yokukwatwa po ombambyona.
Oomeme ova kumaida alushe opo va kale ve kwete ounona vavo meenyala shaashi eshi osha fimana okukaleka po eameno lokaana.